影片
更多
2023-03-13
452 瀏覽
有日路過佐敦, 去左間之前去過嘅cafe,去食下佢地嘅酸種麵包. 回想返,都有大半年無翻兜返呢間cafe. 最主要係因為佢地收6:00所以要就啱時間先可以食到. 餐廳係工業風嘅裝修, 樓底高, 感覺唔焗促. 可以好舒服咁傾到計. 手沖咖啡用埃塞俄比亞嘅咖啡豆, 即場係面前磨. 咖啡師應該係特登用咗唔太熱嘅水去沖製,出到黎杯咖啡有花香同果香,有層次, 個回甘味有淡淡嘅莓嘅味道. 酸度平衡得好好. 喜愛度(5分為滿分):4.5Dirty香,濃,滑. 味道帶點朱古力味. 個奶味平衡亦都做得相當出色.喜愛度(5分為滿分):4牛油果炒蛋配酸麵包呢間cafe 其中一個賣點係佢地用嘅雞蛋都係日本空運到港嘅"曉",上到檯就見到深黃色嘅滑蛋舖滿係半份多士上面, 蛋味香濃.好食. 靚嘅雞蛋真係唔需要過多嘅調味. 雖然看似簡單但要煮到個蛋質嫩滑, 就需要將嗰火候控制得好好. 呢到值得加分. 另一半就係牛油果. 牛油果啱啱好熟, 上面淋左少少黑醋醬配甜椒粉調味. 感覺清新. 夾埋個好有彈性嘅酸麵包一齊食,一邊炒滑蛋,一邊牛油果. 兩種味道. 十分完美.喜愛度(5分為滿分):4.5牛油果蟹肉車里茄伴多士真係好
手沖咖啡
用埃塞俄比亞嘅咖啡豆, 即場係面前磨. 咖啡師應該係特登用咗唔太熱嘅水去沖製,出到黎杯咖啡有花香同果香,有層次, 個回甘味有淡淡嘅莓嘅味道. 酸度平衡得好好.
喜愛度(5分為滿分):4.5
Dirty
香,濃,滑. 味道帶點朱古力味. 個奶味平衡亦都做得相當出色.
喜愛度(5分為滿分):4
牛油果炒蛋配酸麵包
呢間cafe 其中一個賣點係佢地用嘅雞蛋都係日本空運到港嘅"曉",上到檯就見到深黃色嘅滑蛋舖滿係半份多士上面, 蛋味香濃.好食. 靚嘅雞蛋真係唔需要過多嘅調味. 雖然看似簡單但要煮到個蛋質嫩滑, 就需要將嗰火候控制得好好. 呢到值得加分. 另一半就係牛油果. 牛油果啱啱好熟, 上面淋左少少黑醋醬配甜椒粉調味. 感覺清新. 夾埋個好有彈性嘅酸麵包一齊食,一邊炒滑蛋,一邊牛油果. 兩種味道. 十分完美.
喜愛度(5分為滿分):4.5
牛油果蟹肉車里茄伴多士
真係好鐘意食包 另一樣就點咗份牛油果蟹肉車里茄伴多士, 先講整體感覺,超清新. 一絲絲嘅蟹肉, 蟹味濃郁. 連埋下面嘅牛油果就會有creamy 嘅口感. 最上面嘅車里茄除左令到個賣相靚之外,個車里茄甜亦令個多士更清新 . 份多士一樣係加左少少黑醋醬調味,個黑醋令到個蟹肉提鮮不少.有啲似食大閘蟹點醋一樣. 畫龍點精.
喜愛度(5分為滿分):4
張貼
