影片
更多
2023-04-17
33 瀏覽
今日約咗朋友去佐敦食嘢,佢經常幫襯尚鮮火鍋海鮮料理餐廳,佢今晚就帶我去試下。地址係佐敦吳松街62至64號幸福商業大廈1樓。上到餐廳空間感到好足夠,望落去整潔乾淨坐得都幾舒適。坐低首先點咗個日本八爪魚刺身 188元,份量都好多,八爪魚食落好鮮甜,肉質爽口彈牙,點少少芥末鮮味更加突出。花枝片 86元,花枝片好薄身,拖一拖水就食得,入口肉柔軟, 鮮味十足。手切安格斯牛 209元, 牛肉脂肪分佈均勻,入口牛肉味好香濃,有入口即溶嘅感覺,加上有少少油花令到牛肉味道更加香。雙拼餃子 96元,有鮮蝦雲吞,西洋菜香菇餃。雲吞入面隻蝦大大隻,食落去好爽口。西洋菜香菇餃真係第一次食好有驚喜,西洋菜味道鮮甜爽口,用嚟做餃子估唔到係咁好味。鮮打四寶丸 86元,有牛丸,豬肉丸,蝦丸,墨魚丸。我鍾意食佢個牛丸牛肉味香濃,牛丸好爽口。墨魚滑釀冬菇 55元, 冬菇同墨魚滑味道好夾,冬菇嘅香味令到墨魚嘅鮮味更加突出,食落去又可以增添口感。百花釀油條 67元,油條炸到啱啱好,可以即食,入口油條香脆可口。
上到餐廳空間感到好足夠,望落去整潔乾淨坐得都幾舒適。
坐低首先點咗個日本八爪魚刺身 188元,份量都好多,八爪魚食落好鮮甜,肉質爽口彈牙,點少少芥末鮮味更加突出。
花枝片 86元,花枝片好薄身,拖一拖水就食得,入口肉柔軟, 鮮味十足。
手切安格斯牛 209元, 牛肉脂肪分佈均勻,入口牛肉味好香濃,有入口即溶嘅感覺,加上有少少油花令到牛肉味道更加香。
雙拼餃子 96元,有鮮蝦雲吞,西洋菜香菇餃。
雲吞入面隻蝦大大隻,食落去好爽口。西洋菜香菇餃真係第一次食好有驚喜,西洋菜味道鮮甜爽口,用嚟做餃子估唔到係咁好味。
鮮打四寶丸 86元,有牛丸,豬肉丸,蝦丸,墨魚丸。我鍾意食佢個牛丸牛肉味香濃,牛丸好爽口。
墨魚滑釀冬菇 55元, 冬菇同墨魚滑味道好夾,冬菇嘅香味令到墨魚嘅鮮味更加突出,食落去又可以增添口感。
百花釀油條 67元,油條炸到啱啱好,可以即食,入口油條香脆可口。
張貼
