二八火鍋 (已結業)

今日去咗佐敦一間食任食火鍋，喺逸東酒店隔離嘅二八火鍋，任食每位都只係$228 ，牛肉、豬肉、雞肉、丸類、餃子、水產、小食都係任叫，仲有雪花啤酒、汽水任飲。呢度嘅牛肉全部都係採用新鮮本地牛肉，吊龍肉、牛小排、封門柳，連牛骨髓、牛王喉等等比較特別嘅部位都有，我地試左牛小排、封門柳都好嫩滑，質素唔錯。丸類都係手工丸，唔係現成比較硬身嘅丸，食得出係用比較新鮮嘅牛打成嘅，特別推介豬肉丸有胡椒味幾特別。呢度除咗打邊爐，最特別係有好多美味嘅小食，有骨魚皮、酒香鴨舌、撈汁皮蛋都有，我哋試咗吉列蝦餅同埋椒鹽豆腐粒，炸得超香脆惹味，蝦餅仲要超級彈牙，非常有水準。整體來講呢間任食火鍋嘅性價比好高，超抵食。