Plato Cafe & Bistro (吳松街)

喺尖沙咀附近行完街同朋友食夜晚，見到依間Plato入面都幾多人，同埋個二人餐都好似好抵食。二人套餐嘅選擇都有好多，我同朋友前菜就叫咗煙三文魚凱撒沙律，餐湯喺甘筍湯。主食就叫咗波士頓龍蝦龍蝦汁意大利飯，同埋澳洲肉眼牛扒，仲包兩杯飲品，我哋揀咗水果冰茶，食完之後仲有甜品揀，蛋糕同埋Movenpick雪糕，我哋就揀咗朱古力雪糕。頭先佢個前菜沙律性價比高，冇諗過咁大兜，沙律嘅配菜都有好多，同埋好重芝士粉。主食個波士頓龍蝦龍蝦汁意大利飯，隻龍蝦都整得好食，肉質嫩，有膏，唔錯。另外個龍蝦汁都鮮甜，唔會太膩，意大利飯嘅份量亦都足夠。朋友嘅澳洲肉眼牛扒都處理得幾好，見佢剪得好嫩口，配菜個焗薯都幾好食，整體嚟講唔錯。