Potluck Eatery

放假同朋友去尖沙咀行街，發現佐敦附近有間比較隱蔽嘅cafe，一入去就覺得還有feel，每張枱都有個小蠟燭，而且環境好寧靜舒適～ 牛油香煎帶子鮮蠔汁意大利飯飯梗係煮得軟糯，帶子煎得啱啱好，仲有啲鮮蠔汁嘅香味，真係好好味。 松露野菌烤茄子意大利千層麵呢個千層麵更加意想唔到，佢係一個素食嚟㗎！茄子同松露味道好夾，配埋煮得恰到好處嘅麵皮，真係令人驚艷。 藍芝士汁燒烤醬雞翼啲雞翼肉質鮮嫩，啲汁又唔會太甜，啱晒我嘅口味。整體黎講，呢間餐廳嘅每一款菜式都有佢獨特嘅風味，令人驚喜。加上服務好周到，環境舒適，就算價錢稍微貴啲都值得一試。