影片
2021-02-21
2945 瀏覽
炸魷魚軟骨🦑 ($58)咁多款小食入面呢款睇落幾特別, 所以就選擇左佢📝 小食黎講佢係繼薯條之後我會食唔停既野🍟 有種好熟悉既味道但係一時之間又諗唔起, 熱辣辣食幾脆口🤤梔子沙律🥗($88)呢間餐廳有好多野都會用牛油果做其中一種配料🥑 除左食肉之外, 菜都係重要既, 所以呢個house salad 絕對滿足到大家對飲食均衡既要求😌 salad 入面有牛油果, 蘋果, 藜麥, 紅莓乾, 乾果同沙律菜, 最後配上黑醋醬做調味, 絕對係清新之選Pastrami 燻牛肉配蕃茄Bagel 🥯($98)網上見有啲食評都話Bagel 麻麻地, 但係身為bagel 愛好者都係心癢癢想試🤣 因為有曬心理準備既關係, 所以出嚟既結果係十分滿意👍🏽 燻牛肉辣辣地幾惹味, 再配埋腌青瓜, 蕃茄, 車打芝士同埋忌廉芝士係相當夾👏🏽 Bagel既軟硬度啱啱好, 不過如果可以再鬆軟啲就更好喇😌 但係成件事真係夾到不能再夾牛油果蟹肉意大利麵🍝($148)呢個配搭既意粉都比較少見到, 意粉被滿滿既牛油果醬包裹住, 未食之前有啲蟹肉絲係意粉上面, 不過撈完之後就好似唔見曬咁😂 整體黎講呢個意粉係好食, 不過就冇想像中咁出
炸魷魚軟骨🦑 ($58)咁多款小食入面呢款睇落幾特別, 所以就選擇左佢📝 小食黎講佢係繼薯條之後我會食唔停既野🍟 有種好熟悉既味道但係一時之間又諗唔起, 熱辣辣食幾脆口🤤
梔子沙律🥗($88)
呢間餐廳有好多野都會用牛油果做其中一種配料🥑 除左食肉之外, 菜都係重要既, 所以呢個house salad 絕對滿足到大家對飲食均衡既要求😌 salad 入面有牛油果, 蘋果, 藜麥, 紅莓乾, 乾果同沙律菜, 最後配上黑醋醬做調味, 絕對係清新之選
Pastrami 燻牛肉配蕃茄Bagel 🥯($98)
網上見有啲食評都話Bagel 麻麻地, 但係身為bagel 愛好者都係心癢癢想試🤣 因為有曬心理準備既關係, 所以出嚟既結果係十分滿意👍🏽 燻牛肉辣辣地幾惹味, 再配埋腌青瓜, 蕃茄, 車打芝士同埋忌廉芝士係相當夾👏🏽 Bagel既軟硬度啱啱好, 不過如果可以再鬆軟啲就更好喇😌 但係成件事真係夾到不能再夾
牛油果蟹肉意大利麵🍝($148)
呢個配搭既意粉都比較少見到, 意粉被滿滿既牛油果醬包裹住, 未食之前有啲蟹肉絲係意粉上面, 不過撈完之後就好似唔見曬咁😂 整體黎講呢個意粉係好食, 不過就冇想像中咁出眾
最後甜品就一次過試曬兩件是日蛋糕, 分別係開心果慕絲蛋糕同埋黑朱古力慕絲海綿蛋糕🍰 兩款蛋糕都相當足料同埋味道都好濃😋 我建議可以先食開心果再食朱古力, 因為前者既味比後者淡, 但係都係食到開心果既味嫁😚
美食當然要配美酒啦, 餐廳飲品既選擇都幾多, 茶類, 酒類同果汁全部都有, 咁開心黎到星期五當然要飲返杯啦🥂 同朋友叫左兩杯Cocktail, 一杯用vodka做base 既ZI ($98) 酒內有唔同種類既莓肉, 酸酸甜甜幾refreshing🤩 另外一杯叫Blossom ($108) 有sake 同gin 兩種酒做base, 另外配上matcha, yuzu同埋elderflower 飲落甜甜地, 仲有啲果肉咁幾襯😚
餐廳既食物質素整體黎講都幾出色, 遠超我預期, 環境同服務都好好, 有機會都可以再黎試下其他唔同既食物, 特別係佢另一款可以揀味道同調味既bagel 🤗
張貼
