二號廚房

營業中

休息中

今日同長輩約咗喺佐敦食中式野，揀咗呢一間樓上鋪食大排檔小炒，上到去已經好熱鬧好多人，唔少人都係五六個一齊食，餐廳的確係幾適合一家人或者同朋友長輩一齊食飯。酸辣蓮藕丁、酸辣貓耳(雲耳)一開頭叫咗兩款小食，兩款都酸酸辣辣，一款凍一款熱，非常開胃，蓮藕丁好特別，爽口又好食。啫啫芥蘭煲熱辣辣成煲上枱，調味唔會太鹹，但係十分之惹味，越食越上癮。大蝦炒萵筍鮮蝦隻隻夠晒大，都係即叫即炒幾好食。椒鹽鮮魷椒鹽鮮魷係我最鍾意嘅一味菜，每次食大排檔必叫，呢度都整得好好食，炸皮唔會太厚，啱啱好夠晒脆，魷魚新鮮好味道。