影片
更多
2022-06-03
1612 瀏覽
同朋友去佐敦食呢間特色土耳其菜💛，佢嘅位置喺佐敦渡船街附近，嗰邊出名多小店同埋美食👍雖然我唔係好明佢個餐廳名係咩意思，唔知點解叫做「堅離地7 PO」，我都冇去深究，只要好食就得啦😝.其實佢個鋪面細細，大概放到到四五張枱，不過佢嘅裝修同環境就好有土耳其特色，一入去就會俾啲好靚嘅馬賽克燈吸引住，而且啲餐具碗碟都好講究，就連墊枱嗰張枱布仔都好有中東嘅感覺，幾好feel👍.嘢食嘅選擇都幾多，花多眼亂我哋都揀咗一陣，不過因為我哋食8:00可能係最後嗰一輪，所以有啲嘢都冇咗，好似無花果，印度咖喱角，牛扒嗰啲都冇晒了🥲.本身想點無花果石榴沙律，但係冇無花果只好轉牛油果石榴沙律🥗（$78）其實都比較簡單，都係一啲生菜加半個牛油果鋪面，係有啲紅石榴一粒粒咁樣撒喺面，正正常常咁。.馬里蘭蟹肉餅（$68）雖然佢細細塊但係又幾好食，因為係成塊嘅純蟹肉整成，啖啖肉而且啱啱炸起食最正👍.中東串燒配中東皮塔餅（$148）呢個比較有特色，就係好典型嗰啲中東菜，有雞同羊各一串的串燒，仲有一啲燒雜菜，香料味幾重下，再加4片皮塔餅，皮塔餅有啲似印度薄餅煙煙韌韌，將啲肉加菜同埋醬汁夾落去啲皮塔餅一齊食，好有中東風味，口感幾豐
.
其實佢個鋪面細細，大概放到到四五張枱，不過佢嘅裝修同環境就好有土耳其特色，一入去就會俾啲好靚嘅馬賽克燈吸引住，而且啲餐具碗碟都好講究，就連墊枱嗰張枱布仔都好有中東嘅感覺，幾好feel👍
.
嘢食嘅選擇都幾多，花多眼亂我哋都揀咗一陣，不過因為我哋食8:00可能係最後嗰一輪，所以有啲嘢都冇咗，好似無花果，印度咖喱角，牛扒嗰啲都冇晒了🥲
.
本身想點無花果石榴沙律，但係冇無花果只好轉牛油果石榴沙律🥗（$78）其實都比較簡單，都係一啲生菜加半個牛油果鋪面，係有啲紅石榴一粒粒咁樣撒喺面，正正常常咁。
.
馬里蘭蟹肉餅（$68）雖然佢細細塊但係又幾好食，因為係成塊嘅純蟹肉整成，啖啖肉而且啱啱炸起食最正👍
.
中東串燒配中東皮塔餅（$148）呢個比較有特色，就係好典型嗰啲中東菜，有雞同羊各一串的串燒，仲有一啲燒雜菜，香料味幾重下，再加4片皮塔餅，皮塔餅有啲似印度薄餅煙煙韌韌，將啲肉加菜同埋醬汁夾落去啲皮塔餅一齊食，好有中東風味，口感幾豐富㗎，不過份量就少咗啲，每人分得好少咋🥲
.
脆炸豬手（$168）佢嘅優勝之處就係唔會乾身同柴，外皮炸得好脆，入面嘅肉好Juice嫩滑👍，呢個最好食，但係佢嘅份量比較少，我估計得半隻🥲。
.
香草去骨燒春雞（$168）就咁睇上嚟好似兩塊雞扒😂其實佢係將兩隻春雞去咗骨再煎，呢個都幾有心機，不過食落去又唔算好好食，肉質唔算嫩滑，係有啲香草醃製過嘅風味咁
.
牛肝菌野菌意大利飯$148 Okay好味！芝士味好濃郁👍👍👍💛
整體來講環境氣氛唔錯，同埋幾有中東特色，不過食物味道方面唔算太有驚喜，冇乜邊幾樣好有記憶點，而且份量偏少，朋友話佢之前係lunch過嚟都幾抵食，不過晚餐就貴一倍有多，但款式同份量有啲同午餐差唔多，感覺冇咁抵，如果晚餐嘅份量可以加返多啲，咁樣可能顧客嘅心理好似會平衡返一啲😉
.
店名：堅離地 7 PO 💛
地址：佐敦文苑街25-47號文輝樓地下31號舖
張貼
