開餐 (已結業)

係FB知道呢間良心店做埋今個月（但聽聞老闆會再搵新舖位重開），今日咁啱經過當然要幫襯吓啦。T003 咖哩吉列豬扒飯（$40）炸豬扒都大塊，即炸，唔油膩，外層夠鬆脆，肉亦有合適厚度；咖哩係日式，味道正常；飯底係珍珠米，仲有幾條菜芯。以下午茶價錢嚟計，份量算係唔錯。T007 蘿蔔牛腩湯米（$40）蘿蔔唔算甜，仲有些少澀味；牛腩味道正常，但有啲瘦嘅比較嚡；湯米係幼身滑身嗰款，個人幾鐘意。T009 迷你炸蝦多士併炸薯條（$36）同樣即炸，蝦多士的確迷你，但夠香脆，裡面亦有適量嘅蝦膠；薯條亦都係即炸脆卜卜。