拾壹麵 (已結業)

日日返工放工撘車都必經佐敦，有乜食店都試過，今日見有間新店標榜金牌豬潤麵，即管試下。個舖乾淨光猛客唔算多(新開都應該係咁)，所以坐得好c服。點了個豬潤米粉$33，so炸雞翼5隻$28，介蘭$11，熱雪梨無花果茶$15，新開張有8折。米粉湯底奶白色，幾好味，所以食完都飲番幾啖，豬潤應該係鮮豬潤，因為咬落爽脆同埋咬開仲有少少粉紅色(第一舊係咁，之後浸得耐少少嗰d就熟晒，早知食快d)，個人覺得好好味，爽口豬潤好耐未食過，豬潤米粉我比滿分無投訴，果然係金牌。so炸雞翼係即炸岀來的，好熱，咬開好脆皮，肉汁會流岀，唔會乾爭爭，我好鐘意食雞翼，幾乎想叫多碟，不過太飽了。介蘭好食，不過介蘭應該好難整得難食掛，所以唔講啦。杯雪梨無花果茶，我真心覺得係自家煲(小店自家煲？我係咪諗多左？)，好有媽媽 feel，飲開勁甜濃縮柚子蜜開水嘅我，好想問伙記有無支裝外賣。我對味精好敏感，今次食完無口渴，肯定無味精，呢點加分不少，佐敦有間咁有 heart 嘅小店，我肯定成日來幫襯。