影片
更多
2016-07-04
8922 瀏覽
今次係食神朋友急call，搵埋幾個為食朋友仔嚟呢間平凡之中極有驚喜嘅餐廳試吓佢地嘅隱藏廚師推介。其實個人一直好少喺油麻地同佐敦搵食，所以一開始睇過其他食評都唔係十萬個期待，但食神朋友推薦得應該係有啲料到！ 由彌敦道大街甫進入餐廳，異常地有果種由喧鬧跑進另一個優雅寧靜嘅空間嘅感覺。餐廳坐位不多沒有一般大酒店日本餐廳嘅氣派，但座位十分寬敞舒適加上侍應態度欣勤有禮反覺得呢間酒店餐廳很親民很有親切感。食日本餐總是心思思喜歡叫一樽甜甜嘅梅酒助興。日本大牌成日都飲，出到街梗係試吓新嘢啦！就係咁隨便叫咗一支覺得價錢相宜嘅試吓，又唔錯喎！相比起choX 冇咁甜，梅味夠濃，配一粒冰味道剛剛好！諗住encore之際，原來喺店內十分暢銷眨吓眼已經賣完，唯有獨自在心裏回味！ 講返今晚主角：「隱藏廚師推介」係乜？原來冇人知，因為唔喺menu度！我地一問之下原來發現佢地嘅日本師傅會因應當日嘅日本直送新鮮食材準備一至兩款做secret menu,唔幫襯開嘅真係唔會知，都話食神friend有料到！咁我地今日有幸試到嘅原來就係師傅誠意推介巨型北海道海鮮丼！一個足夠四至六人食嘅北海道直送海鮮丼，無論賣相同味道都超吸引，魚
其實個人一直好少喺油麻地同佐敦搵食，所以一開始睇過其他食評都唔係十萬個期待，但食神朋友推薦得應該係有啲料到！
由彌敦道大街甫進入餐廳，異常地有果種由喧鬧跑進另一個優雅寧靜嘅空間嘅感覺。
餐廳坐位不多沒有一般大酒店日本餐廳嘅氣派，但座位十分寬敞舒適加上侍應態度欣勤有禮反覺得呢間酒店餐廳很親民很有親切感。
食日本餐總是心思思喜歡叫一樽甜甜嘅梅酒助興。日本大牌成日都飲，出到街梗係試吓新嘢啦！就係咁隨便叫咗一支覺得價錢相宜嘅試吓，又唔錯喎！相比起choX 冇咁甜，梅味夠濃，配一粒冰味道剛剛好！諗住encore之際，原來喺店內十分暢銷眨吓眼已經賣完，唯有獨自在心裏回味！
講返今晚主角：「隱藏廚師推介」係乜？原來冇人知，因為唔喺menu度！我地一問之下原來發現佢地嘅日本師傅會因應當日嘅日本直送新鮮食材準備一至兩款做secret menu,唔幫襯開嘅真係唔會知，都話食神friend有料到！
咁我地今日有幸試到嘅原來就係師傅誠意推介巨型北海道海鮮丼！一個足夠四至六人食嘅北海道直送海鮮丼，無論賣相同味道都超吸引，魚生大大片，帶子同大蝦超新鮮，最浮誇係落足成板馬糞海膽感覺超豪氣！雖然索價要一千大元但份量同滿足度遠遠超過之前去過那些什麼灣仔深水埗排隊魚生飯專門店！完全值回票價！
由於超級魚生飯製作需時，我地梗係唔放過機會試埋其他推薦小食啦！其中一款令人垂涎欲滴嘅係今日secret menu另一推介：「馬糞海膽天婦羅」...唔係好多日本餐廳會做呢個菜，可能係技術問題卦？！而我對上一次食係喺某間來自日本近百年歷史天婦羅專門店嘅銅鑼灣分店，入口非常油膩，相信係油溫控制問題。
今晚喺呢度再試，味道簡直完全唔同！當然呢度用嘅海膽質素已經唔駛比較，入口脆口乾身唔似食緊炸嘢，天婦羅漿半透明非常薄，沒有半點油而且紫菜包著微暖嘅海膽份量絕不吝嗇十分鮮甜口感豐富！正！
另外我地仲試咗其他有質素嘅日本直送小食，而本人最愛係日本炭燒鰻魚串燒！沒有用上鰻魚汁嘅燒白鰻魚保留新鮮鰻魚嘅味道同油香，魚肉夠厚，外脆內軟，咬落勁juicy⋯⋯真係冇得輸！
炭燒仙台牛舌串燒：肉質多汁夠厚，唔過火燒得啱啱好！只嫌有少少偏咸，不過加咗檸檬汁可以中和番。
鹿兒島生蠔：非常新鮮甜美，蠔肉脹卜卜食落口感creamy仲有淡淡海水味，超級回味！
脆炸薩摩雞翼： 以為都係普通佐酒小吃，點知原來雞翼都有分等級，呢個無骨雞翼來自日本鹿兒島肯定堅係高級果種，外面脆卜卜入面肉質幼嫩勁juicy!炸得金黃色大大隻脹卜卜雞味濃郁，飽咗見到佢都忍唔住食埋！
A5和牛壽司(我又掛住食唔記得影相)：師傅好有heart 咁叫侍應強調有兩種特別調配嘅壽司飯，所以呢個和牛壽司除咗要感受牛嘅油香入口即溶嘅感覺外，重要注意飯嘅米香。
師傅對食材同制作有要求得嚟原來對食客點樣品嘗佢嘅手藝都好有要求！
隱藏menu特別贈送嘅甜品,柚子雪芭為呢餐畫上完美句號。雪芭內有粒粒柚子肉加埋兩粒甜入心嘅巨峰提子，清新又不太甜，完美地洗走口腔內所有殘餘味道，忘記一切飽肚感，即時refresh曬!
真係好滿足嘅一餐，已經計劃下個月老豆生日同屋企人再嚟，唔知到時secret menu又比到啲咩驚喜我呢？！好期待！
張貼
