影片
更多
2021-11-13
556 瀏覽
今日黎咗呢間位於佐敦嘅日式鐵板燒餐廳，坐喺bar枱可以睇住師傅即席炮製料理。我哋兩個人一人揀咗一款一人前套餐: 十八層海膽杯Omakase($1388)同火焰海膽甲羅燒套餐($888)。每款套餐都有前菜、沙律、主菜、主食、燒野菜、湯同甜品，海膽杯set就仲有3款海鮮加A5和牛，而甲羅燒set就有1款海鮮同1款肉類。Openrice訂位仲有8折優惠，鐵板燒黎講算係好抵食。叫咗嘢食，店員就幫我哋斟咗杯青檸花旗參茶，清一清腸胃就開始今日嘅豐富大餐。海膽最中先上嘅係前菜嘅海膽丸，彈牙嘅魚丸用最中餅皮夾住，一口咬落去鮮甜嘅海膽就湧哂出黎。楊枝甘露蘋果沙律有蘋果、柚子、西米等搭配嘅沙律，味道清甜好refreshing，而且入口有唔同口感。十八層海膽杯其中一款套餐主角登場，足足有18層海鮮疊而成，非常吸睛。其中除咗有重點嘅北海道紫海膽，仲有白飯魚脆片、黑魚子、沖繩海葡萄、三文魚子、磯燒鮑魚、牡丹蝦、櫻花魷魚、帆立貝、松葉蟹肉、藍鰭吞拿魚蓉、花膠、粒貝、明太子沙律同海帶碎。佔咗4層嘅海膽超級鮮甜，齒頰留香，加埋其他鮮味魚生海鮮，簡直係海洋協奏曲。火焰海膽甲羅燒另一款套餐主角嘅甲羅燒，上枱嘅時候用紙包住
叫咗嘢食，店員就幫我哋斟咗杯青檸花旗參茶，清一清腸胃就開始今日嘅豐富大餐。
海膽最中
先上嘅係前菜嘅海膽丸，彈牙嘅魚丸用最中餅皮夾住，一口咬落去鮮甜嘅海膽就湧哂出黎。
楊枝甘露蘋果沙律
有蘋果、柚子、西米等搭配嘅沙律，味道清甜好refreshing，而且入口有唔同口感。
5 瀏覽
0 讚好
0 留言
十八層海膽杯
其中一款套餐主角登場，足足有18層海鮮疊而成，非常吸睛。其中除咗有重點嘅北海道紫海膽，仲有白飯魚脆片、黑魚子、沖繩海葡萄、三文魚子、磯燒鮑魚、牡丹蝦、櫻花魷魚、帆立貝、松葉蟹肉、藍鰭吞拿魚蓉、花膠、粒貝、明太子沙律同海帶碎。佔咗4層嘅海膽超級鮮甜，齒頰留香，加埋其他鮮味魚生海鮮，簡直係海洋協奏曲。
16 瀏覽
1 讚好
0 留言
火焰海膽甲羅燒
另一款套餐主角嘅甲羅燒，上枱嘅時候用紙包住，經火一燒，甲羅燒就好似變魔術咁出現喺眼前。除咗海量松葉蟹蟹膏，面頭鋪滿黑魚子、海葡萄、海膽、洋蔥、蟹肉同三文魚子等。蟹膏甘香濃厚，入口細滑。
11 瀏覽
0 讚好
0 留言
7 瀏覽
0 讚好
0 留言
A5威士忌和牛厚燒
厚切和牛火候控制得好好，入口稔嫩帶油香，肉味香濃非常juicy，放喺烘脆嘅多士上面，多士吸收哂牛肉汁，加埋蒜片同爆珠，夾住一齊食唔錯。
豚肉薄切
另一款鐵板肉類係薄切豚肉，炒香嘅豚肉加埋香甜蜂蜜爆珠，提升咗肉嘅口感同味道層次。
5 瀏覽
0 讚好
0 留言
斑馬瀨尿蝦
瀨尿蝦夠大隻，師傅先將瀨尿蝦拆殼起肉然後喺鐵板上面燒。瀨尿蝦肉鮮甜彈牙，食落啖啖肉。
3 瀏覽
0 讚好
0 留言
海膽醬芝士焗龍蝦
師傅燒嘅時候離遠已經聞到好香。
濃濃嘅海膽醬加埋滿滿嘅芝士做出拉絲嘅效果，夠哂芝味。龍蝦肉好鮮甜，肉質彈牙爽口。
2 瀏覽
0 讚好
0 留言
原隻鮑魚
鮑魚煙韌有咬口，值得一提係個酸甜醬汁做得出色。
1 瀏覽
0 讚好
0 留言
櫻花蝦海膽焗花膠扒
花膠扒非常厚肉，口感爽脆，加埋櫻花蝦同帶微辣嘅醬汁炒香，非常惹味，食落啖啖都充滿膠質。
0 瀏覽
0 讚好
0 留言
燒野菜
中間作為過場，師傅上咗一道燒甜薯，中間夾住棉花糖，又幾得意，不過整道菜就稍為甜咗少少。
主食
食完海鮮同肉類，師傅就為我哋炮製炒飯。飯底炒得好香，而且粒粒分明，加入咗蛋漿，令每粒飯都帶有蛋香。師傅仲好有心思用蛋白打成雲朵狀鋪喺飯面，再加入一隻生雞蛋黃，一碗色香味俱全而且好有層次感嘅炒飯就誕生喇。
0 瀏覽
0 讚好
0 留言
特色紙包花膠羊肚菌蜆湯
自家製海鮮湯，用料非常豐富，除咗花膠、羊肚菌、蜆、粟米等，仲加埋頭先隻瀨尿蝦蝦頭一齊用保鮮紙包住煮，鎖住材料嘅鮮味喺個湯入面，飲落特別清甜。
0 瀏覽
0 讚好
0 留言
甘味
最後黎到甜品，朋友嘅係白桃蛋糕拼抹茶蕨餅，而我嘅係海膽雪糕。海膽同雪糕意外地好match，creamy嘅海膽融入細滑嘅雪糕之中，一入口，海膽嘅甘香就喺口入面散發開黎，令人回味。
0 瀏覽
0 讚好
0 留言
總括黎講成餐飯都好有驚喜，感受到師傅對料理嘅熱誠同無限嘅創意。
樂Teppanyaki
佐敦偉晴街29-37號騏邦大廈地下6號舖
。
。
#佐敦 #樂Teppanyaki #teppanyaki #鐵板燒 #omakase
張貼
