佳佳甜品

營業中

休息中

今晚喺佐敦上完堂，想同朋友喺附近食返個甜品做宵夜。咁岩經過佳佳甜品，記得佢好似有米知蓮推介，而且又唔使等位，於是就坐入去叫返個暖笠笠甜品食。不過，環境好似去咗茶樓飲茶咁，好熱鬧，要好大聲同朋友講嘢先聽到，如果想去一個幽靜嘅環境食甜品傾偈嘅話，就唔好去呢間甜品店啦。核桃露拼杏仁露（熱）$24- 起初以為核桃露同杏仁露會好似太極鴛鴦咁放喺同一個碗入邊，點知上枱嘅時候見到兩種糖水都差唔多撈勻左一齊，有少少失望。加湯圓三粒$7- 芝麻湯圓熱辣辣，芝麻餡料香味充斥整個口腔，好圓滿。推介！白果薏米腐竹（熱）$22- 朋友食嘅腐竹糖水入口清甜，唔錯。整體我認為呢間店嘅甜品唔太值得獲得米知蓮嘅推介。