Oink Square Coffee & Crêpe (已結業)

叫左兩個肥嘟嘟三文治，同佢個名一樣，裡面既餡料包到肥嘟嘟。秘製醬汁烤牛肉 $45除左滿滿既牛肉，仲有好多生菜🥬同蕃茄🍅，同埋一層半溶芝士🧀，秘製醬汁幾惹味。吉列炸蝦 $50配搭除左炸蝦、蕃茄、生菜同半溶芝士，仲有一層紫椰菜，炸蝦炸粉唔算多，炸得酥脆，而且蝦肉夠爽同彈牙。日式蟹肉忌廉薯餅 $28即叫即炸，熱辣辣，一咬落去，滿滿既蟹肉忌廉，口感好正，而且唔會食滯。法式焦糖布甸咖啡 $38 & 焙茶Latte $36咖啡香濃，配焦糖布甸甜甜的，而且口感幾滑焙茶Latte，焙茶味突出，配鮮奶好match。三文治有全份或半份買，而且配菜都幾多選擇。而且有d食品即叫即整，食材新鮮，值得推介。