石仔記粥麵 (已結業)

之前幫襯過這間四正的新店，點了豬膶粥。粥很棉，口感很好，好飽肚。豬膶不“鞋“口，厚薄適中，爽而不滯，整體感覺好得。今晚試了他的雲吞面，忍不住寫來分享推介一下。雲吞：不是標榜大如乒乓波或有幾多隻蝦果種，佢係傳統果隻一口雲吞。很入味，而且仲有點點肉汁。唔會太細粒成口皮，又唔會一味得餡多，吃完以為自己食緊蝦餃，它就是樣樣也配合得剛好。而且它的生熟度也剛好，唔會太生，皮未熟但又不會過熟而爛皮。面：爽但唔會好生，最緊要係零“簡“水味！湯：清甜，很鮮味，應該無味精，飲了好多淡湯之後都無口渴。一定會再來encore！仲有一點要加分係呢度好乾淨衛生，見個師傅係帶住手套處理食材的，so far呢响粥面店係未見過的。絕對是誠意小店！