影片
更多
2008-06-09
24 瀏覽
五月三十一日(六)今日重點慶祝節目係去佐敦紅煙窗度食dinner buffet，因為之前食過Todai Lunch 麻麻地，所以今次選擇左OR自助餐排行第一位既紅煙窗黎試，加上有OR八折cupon，抵食好多。自助餐六時半開始，太約六點七八到達，已有不小人進場～ 款式種類一定不及Todai多，但個人覺得較合口味～ 介紹一下覺得較好食物～帶子焗天使麵一個帶子殼連帶子配上天使麵白汁焗，滋味非常，帶子焗得香但仍有鮮味，天使麵彈牙，與白汁亦非常配合。真的想吃多數個，但自助餐還是先試試其他食物~ 蟹腳鮮甜，自問唔鐘意食凍盤，但仍然覺得好好食，但後來出的一批較鹹和細隻～比目魚原條蒸，之前未食過比目魚，原來佢既肉仲滑過石班，又夠晒大條多肉，正～普羅旺斯雜綿海鮮湯材料有青口、聖子等海鮮新鮮即煮，味道不錯～酥袋食落有D似食緊酥皮白湯時味道，幾得意～其他熱盤咖哩雞、葡萄牙紅豆炆豬手、法式田螺、羊扒、Pizza、蒸蛋同墨魚餅等等都好好味～日式方面魚生新鮮但師傅刀工不敢恭維，壽司方面賣相麻麻，唔係主打無試到～甜品：Movenpick甜品當然以瑞士Movepick為首，這款雪糕實在是這裡的一大賣點，尼隻雪糕仲貴
今日重點慶祝節目係去佐敦紅煙窗度食dinner buffet，因為之前食過Todai Lunch 麻麻地，所以今次選擇左OR自助餐排行第一位既紅煙窗黎試，加上有OR八折cupon，抵食好多。自助餐六時半開始，太約六點七八到達，已有不小人進場～ 款式種類一定不及Todai多，但個人覺得較合口味～ 介紹一下覺得較好食物～
帶子焗天使麵
一個帶子殼連帶子配上天使麵白汁焗，滋味非常，帶子焗得香但仍有鮮味，天使麵彈牙，與白汁亦非常配合。真的想吃多數個，但自助餐還是先試試其他食物~
蟹腳
鮮甜，自問唔鐘意食凍盤，但仍然覺得好好食，但後來出的一批較鹹和細隻～
比目魚
原條蒸，之前未食過比目魚，原來佢既肉仲滑過石班，又夠晒大條多肉，正～
普羅旺斯雜綿海鮮湯
材料有青口、聖子等海鮮新鮮即煮，味道不錯～
酥袋
食落有D似食緊酥皮白湯時味道，幾得意～
其他熱盤咖哩雞、葡萄牙紅豆炆豬手、法式田螺、羊扒、Pizza、蒸蛋同墨魚餅等等都好好味～
日式方面魚生新鮮但師傅刀工不敢恭維，壽司方面賣相麻麻，唔係主打無試到～
甜品：
Movenpick
甜品當然以瑞士Movepick為首，這款雪糕實在是這裡的一大賣點，尼隻雪糕仲貴過Haagen Daz 一細兜都要廿幾三十蚊～ 今日有四種味，朱古力、芒果熱情菓雪葩、士多啤梨及Tiramisu。當中最好食係朱古力味，朱古力雪糕內含朱古力薄片，口感和味道一流，個人認為比Haagen Daz 比利時朱古力好不小～ 其次係士多啤梨，果肉大粒，味道鮮美，正～ Tiramisu亦都唔錯，芒果熱情菓雪葩個人覺得佢過酸～
紐約芝士餅
芝士味濃郁，焗得亦不錯，惟欠酸忌廉～
朱古力噴泉
有士多啤梨、蜜瓜、棉花糖選擇。士多啤梨新鮮，配合埋質素唔差既朱古力味道不錯，但有Movepick朱古力雪糕係度，只係食左小量～
豆腐花
想不到這裡的豆腐花很滑，直逼豆品廠質素，嚴害～
火熖蛋糕
忌廉用火槍噴過後質地唔同但唔覺得好食左～ 都係花臣野～ 反宜尼件蛋糕內裡蛋糕層焗得非常出色，極之鬆軟～ 正～
其他款式有：三小杯中以圓杯益力多啫哩最好，其他兩款不行。朱古力批則過重可可味，以可可充撐濃郁～ 朱古力慕思亦不錯～
以二百幾蚊自助餐黎講尼度質素真係非常好，雖然款式一定比唔上Todai咁多，但個人黎講都好多選擇，岩食款式不小，很多味都想一吃再吃，只是肚子容量有限～
服務黎講都非常之好，Refill快，收碟等都好有效率，亦有禮貌～ 一定會再黎！
張貼
