影片
更多
2016-05-03
2078 瀏覽
第一次打食評就係呢間餐廳喇！本身唔係第一次幫襯，但今日路過比較時間鬆動又決定入黎坐下！價錢都幾吸引入面係黃色燈，感覺好舒服温暖。而且一個場坐16個位，坐得舒服。首先其實黎左個餐湯，忌廉粟米湯，不過略水無咩味。。。如果可以濃點就好！不過多士好脆好香好好食！掛住食，相都無影。叫左個青口意大利飯。個飯好creamy, 有咬口！青口既味道唔差仲幾足料！一碟細細既意大利飯已經有3-4隻青口，另加一點魷魚之類.. 青椒味幾重，個人覺得個combination幾新鮮，但如果有人唔喜歡青椒味就自己諗喇！隨餐送甜品（應該多數係雪糕）都幾甜，唔識分佢係自唔自家製喇！我放入杯咖啡度可以唔落糖😂講咁耐最欣賞呢間餐廳係提倡老有所為架！唔怪得serve我既全部都有少少年紀^_^ 但服務真係好好！好親切又有禮貌，而且我真係一食完最後一啖放低餐具，個伯伯就過黎幫我收，再上下一碟！$65蚊有呢個服務質素真係超值！（無加一呀！）
第一次打食評就係呢間餐廳喇！
本身唔係第一次幫襯，但今日路過比較時間鬆動又決定入黎坐下！價錢都幾吸引
入面係黃色燈，感覺好舒服温暖。而且一個場坐16個位，坐得舒服。
首先其實黎左個餐湯，忌廉粟米湯，不過略水無咩味。。。如果可以濃點就好！不過多士好脆好香好好食！掛住食，相都無影。
叫左個青口意大利飯。個飯好creamy, 有咬口！青口既味道唔差仲幾足料！一碟細細既意大利飯已經有3-4隻青口，另加一點魷魚之類.. 青椒味幾重，個人覺得個combination幾新鮮，但如果有人唔喜歡青椒味就自己諗喇！
隨餐送甜品（應該多數係雪糕）都幾甜，唔識分佢係自唔自家製喇！我放入杯咖啡度可以唔落糖😂
講咁耐最欣賞呢間餐廳係提倡老有所為架！唔怪得serve我既全部都有少少年紀^_^ 但服務真係好好！好親切又有禮貌，而且我真係一食完最後一啖放低餐具，個伯伯就過黎幫我收，再上下一碟！$65蚊有呢個服務質素真係超值！
（無加一呀！）
張貼
