Alternative Cafe

營業中

休息中

18號第一日開張，lunch time見到人山人海。到5點幾再去時已無乜人，last order係5點半，不過6點就會收碟，因為書店開到8點所以可以繼續坐。想坐耐d做野就請店員將飲品用外賣杯裝，現場d店員都好nice~Tea set $40-$68，免加一，價錢經濟。叫左墨西哥薄餅，烤雜菌料，加埋芝士一齊烤，熱辣辣上碟係好食既。配料有至愛既牛油果，蕃茄莎莎辣辣地好開胃。叫左個涷朱古力，唔係口淡淡貨色。d冰好耐都唔溶，唔知點解😅新張期內套餐配特飲只要加6蚊。朋友第二日去飲左杯ice dirty，由3種咖啡整成，話好好飲。現場冷氣有d大，可能要兼顧埋書店既空間。lunch後人少少買本書坐低睇都幾舒服。唔知可唔可以唔買書都坐係cafe睇，不過如果整污糟人地本書就買左佢啦。書店有d 精品同fair trade産品賣，都幾多樣化。