We Corner (已結業)

尋日同朋友仔行過，決定食呢間coffee shop，發現有意外驚喜。由於本人喜愛食小龍蝦牛角包，所以見到Menu上面有，毫不猶豫就揀咗佢。我哋兩個餐都有餐前湯，味道唔係話好濃郁，暖暖的，有少少似係羅宋湯，但係我朋友仔話係蕃茄湯。小龍蝦嘅份量都算足夠，咬落去相當嘅彈牙，重點係佢搭配左番薯薯條，炸得剛好，每一啖咬落去都係滿滿嘅番薯，可以話完全唔使擔心食一個牛角包唔夠飽。我朋友仔揀咗個手撕豬肉麵，啲肉好入味，而且聽講佢啲面係手工面，我哋睇到佢啲面係有似係公仔麵少少彎彎的，比較吸取到啲汁上嚟食。海鹽焦糖奶昔，我勁鍾意，我揀咗少甜，所以成杯野唔會飲幾下就覺得太漏。上層啲cream好滑，再加上飲落去有一啲一粒粒嘅海鹽，將成個味道再提升一個層次。熱朱古力，我朋友仔都係嗌咗少甜，朱古力味都算濃郁，飲落去都好滑。