麻市滋味館 (已結業)

去完廟街買頭髮用品，就想在附近找個坐得舒服的位置吃餐好的！沿住英皇佐治五世公園行，來到一條較偏靜嘅街，卻見到有間中菜館光鮮得來又有些少人氣，就同朋友入來。一進門口左邊已見到一排排水缸坐住海鮮，價錢明碼實價標好在頂上。可惜朋友對海鮮過敏，否則我都想試試聖子和鮑魚。由於太想食海鮮，我都係抵受不住誘惑點了黃金鮮魷，份量都幾多夠三個人食，新鮮炸好而且粉皮不厚，蛋黃味濃郁，魷魚又很爽口，送白飯一流！然後點了E餐孖寶$228有乳鴿和沙巴龍躉，都幾抵吃。乳鴿切好分成四份，燒得都不錯，沾粗鹽！沙巴龍躉最抵讚，睇住老闆在水缸撈起新鮮龍躉，20分鐘後就有得食，魚肉好鮮，一啲都唔淋唔癡，蒸魚豉油同葱加埋好好食，正過普通酒樓多多聲！最後當然要吃茄子中和一下，釀了豬肉在整條茄子外邊，入面還有黃椒、紅椒、青椒和馬蹄好爽口！這間店舖應該主打海鮮，但小菜都煮得不錯，除了餐牌上嘅餸，還有大廚推介菜式。