佐楽 (已結業)

難得星期六同媽咪一齊放假，約埋一齊食好西🥰 為左一向鍾意食日本菜既媽咪 就上網搵左好有好評既佐樂.基本上主控食物都係來自佐賀，我地先點左原條呼子魷魚刺身，2人前$198 頭同尾仲可以加錢燒或者天婦羅，但愛好刺身既我地就唔選擇再加工啦。口感肉質都十分新鮮，唔會覺得好膠好un。 之後就係刺身同壽司，我地各叫左個刺身七款同壽司五款，魚類新鮮，厚度適中。串燒我一直愛好免治棒，今次點左個免治三瀨雞肉串，旁邊會連埋蛋黃上，食既時間沾落去。雞肉串醬汁甜甜地，雞肉味濃厚再加埋雞蛋夾住一齊食。超級好食！🥳🥳🥳跟住就係佐賀牛，點左一個薯餅同埋牛肉丸火鍋。雖然做左薯餅，但食去依然係好重牛肉味，變淡。 牛肉丸火鍋.. 肉丸係意想不到既出色！牛肉味鮮甜又濃，加埋配菜，真係好喜歡！！最後係甜品，點左個酒味慕絲同抹茶製法式甜品。抹茶類既甜品只係為滿足媽咪，自己本身就唔太好。但呢款造法偏重奶味中間仲會有紅豆溶，我自己食落都好鍾意。 酒粕慕絲就比較重saka味就又唔會苦，如果本身鍾意飲酒就可以一試。