大業車仔麵

營業中

休息中

師傅喺佑民街食完一次之後, 當然要黎第二次啦, 皆因呢條街都有好多間食店, 所以要遂一試真d, 睇下邊一間最抵食, 而今次師傅就揀左呢間食店!入到去呢間食店, 又估唔到呢間又係以車仔麵做主打, 但依然有飯食添, 但諗左一陣師傅都係決定揀車仔麵, 皆因好似幾抵食咁, 於是就柯打個五餸麵, 諗住一次過試多d, 於是揀左幼麵, 豬皮, 豬腸, 牛筋腩, 牛肚同埋牛柏葉, 再加辣汁, 而且仲送杯豆漿添!話都冇咁快就有得食, 果然有效率; 第一口當然係試下湯底, 味道唔算太特別, 唔算吸引但又未至於淡口, 加左辣汁亦唔覺辣, 一般啦; 而餸嘅份量唔算好多, 豬皮就幾細塊, 不過就勝在爽口, 可以啦; 豬腸夠腍亦唔算好肥, 唔錯啦; 牛筋腩竟然係筋多過腩, 牛筋好腍口感唔錯, 而牛腩反而係碎腩, 口感麻麻; 牛肚賣相一般, 係夠腍不過唔係咁好味; 牛柏葉亦幾爽口, 可以啦; 幼麵反而唔好味, 唔夠煙韌爽口, 口感其差, 唔得囉! 豆漿就不過不失啦!總括黎講車仔麵質素一般, 地方同服務都係普普通通, 價錢就幾平廿七蚊五個餸仲要送杯豆漿, 都算抵食, 咁嘅價錢咁嘅水準, 可以啦; 不過師傅就未必有下次