影片
更多
2021-03-23
238 瀏覽
畀個「武肺」玩足年半，上年大家瘋狂搶購，連廁紙都有炒價，今年冇得外出用膳，晚晚食飯盒，餸菜都變得難食⋯⋯約咗朋友嚟屋企閒聊飲酒，我哋4人，少少哋叫咗泰皇閣嘅到會，我哋揸車自取，大約45分鐘後先食，都擔心味道有變，咁老闆娘溝通後，佢就建議食 🥗柚子沙律、🥩燒安格斯配青檸辣汁，🥭芒果糯米飯，呢三樣食物質素應該冇咁快變。果然味道都仲keep 到，老闆娘好細心呀！有問有答，毫無架子。我哋4人，叫三人份量，飲吓酒，都好夠食，開開心心又一晚 1）柚子蝦沙律🥗 平時都係叫木瓜絲沙律，但老闆娘話我放成45分鐘先食，木瓜絲沙律易出水，建議試吓柚子蝦沙律，雖然用椰糖做，但配埋柚子酸甜又青香，唔會甜到漏嘅感覺。放咗成晚，沙律果然都係乾身，好好味！2）芒果糯米飯🥭好靚好精美，出面好多椰漿都係分開，但泰皇閣係會淋埋落去糯米飯上面，希望舊飯冇咁快乾身。我試過喺城南道鋪仔買現成盒裝芒果糯米飯，本身椰漿分開，飯係涼嘅，淋椰漿後D飯都唔會索到椰漿，飯已經偏硬。 （個袋椰漿係我另外要求，本身冇）3）燒安格斯配青檸辣汁🥩燒到7成熟，返到屋企仍然粉嫩，每片Angus都索盡辣汁，連埋半片青檸放入口，好豐富好正呀！無窮無盡泰國風
我哋4人，叫三人份量，飲吓酒，都好夠食，開開心心又一晚
1）柚子蝦沙律🥗 平時都係叫木瓜絲沙律，但老闆娘話我放成45分鐘先食，木瓜絲沙律易出水，建議試吓柚子蝦沙律，雖然用椰糖做，但配埋柚子酸甜又青香，唔會甜到漏嘅感覺。放咗成晚，沙律果然都係乾身，好好味！
柚子蝦沙律
13 瀏覽
0 讚好
0 留言
2）芒果糯米飯🥭好靚好精美，出面好多椰漿都係分開，但泰皇閣係會淋埋落去糯米飯上面，希望舊飯冇咁快乾身。我試過喺城南道鋪仔買現成盒裝芒果糯米飯，本身椰漿分開，飯係涼嘅，淋椰漿後D飯都唔會索到椰漿，飯已經偏硬。 （個袋椰漿係我另外要求，本身冇）
芒果糯米飯
12 瀏覽
1 讚好
0 留言
3）燒安格斯配青檸辣汁🥩
燒到7成熟，返到屋企仍然粉嫩，每片Angus都索盡辣汁，連埋半片青檸放入口，好豐富好正呀！無窮無盡泰國風味👍
燒安格斯配青檸辣汁
18 瀏覽
0 讚好
0 留言
張貼
