陳勤記鹵鵝飯店 (已結業)

喺中上環咁耐，成日都會經過陳勤記，但始終都冇機會去試，早幾日終於都比我試到啦！先講食物！我叫咗鹵水鵝同炸雙棗，唔。。。。何來米芝蓮呢？佢個鹵水鵝完全唔夠香，我完全食唔到嗰種鹵水嘅香味，而且肉質一般，我覺得西營盤某潮洲檔嘅鹵水嘢比佢更加出色(係直情冇得比) 至於個雙棗，ok囉，冇咩特別！再講服務！作為一間米芝蓮餐廳(仲要係連續咁多年) ，我覺得唔止係食物要達標，員工嘅態度都係一樣，嗰個女樓面同應該係老闆娘嘅女人，啲態度真係好到不得了，唔知以為我冇錢食飯，啲面口衰到好似我得罪佢咁！講真，呢間嘢我真係唔會再去幫襯！