Macaroni Dessert Bar (已結業)

之前喺何文田返工都經過過呢間餐廳幾次，今次收工就決定試下呢間餐廳。就坐正喺呢盞燈下面，好難唔俾佢嘅外觀吸引到。原來係入面睇同出面睇，盞燈都幾有分別。軟殼蟹胡麻醬野菌意粉一上枱已經聞到好香嘅胡麻醬味。基本上胡麻醬已經成為咗呢度意粉嘅主調。好欣賞餐廳將野菌切成粒，同意粉一齊煮呢個做法，食落方便之餘，菜式亦更加美觀。 軟殼蟹一切開非常厚肉，而且仲有蟹膏，非常吸引。焗柚子三文魚柳一開頭以為只係三文魚柳加上柚子醬。但食落先發現，原來魚肉都有陣陣嘅柚子香味。估計真係將柚子同三文魚一齊焗先會有呢個效果。食落嘅有三文魚鮮味，亦有淡淡嘅柚子香味。U.F.O不愧為dessert bar，最有驚喜嘅始終係dessert。原來呢隻UFO就係窩夫上面加上四球雪糕同雜果，賣相精美。窩夫係出乎意料地好脆，四球雪糕分別係朱古力、綠茶、雲呢拿同埋冧酒提子雪芭。焦糖海鹽咖啡James Squire Apple Cider應該係我飲過最濃味嘅Apple cider，好重蘋果味同酒精味，而且仲有蘋果渣，值得一試。