影片
更多
2022-11-20
356 瀏覽
週末返母校做義工，見到好多師妹，成個人都即刻青春晒！何文田曾幾何時陪我渡過10年嘅讀書生涯，梭椏道我哋一啲都唔陌生，放學落旺角必經之路。好多年無返過嚟何文田，今日再行一次梭椏道多咗好多特色小店，尤其是附近多了迷你豪宅。路過見到餐廳霓虹招牌名字叫 《Are U Labeler 》，感覺幾有趣，餐廳內外都好chill，又多打卡位，決定入去試吓！再睇吓 openrice 有乜嘢招牌菜式。珍寶啤酒脆漿炸魚薯條 減肥咁辛苦，放假梗係食啲高脂肪令自己開心嘅食物啦！珍寶啤酒脆漿炸魚真係非常高質，炸魚大大塊非常厚身，有好濃郁嘅魚味之外，食落每一啖都非常 Juicy ，最吸引嘅係佢啤酒脆漿，鬆脆可口，真係要加分。就連薯條都好有誠意，炸到脆卜卜再加埋紅椒粉調味。全日早餐 All Day Breakfast 全日任何時段都可以食，英式 fusion 菜式，望到豐富已經心情舒暢，有 Black Truffle Scramble Egg、腸、煙肉🥓、大啡菇、薯餅、Croissant & Salad，好大堆頭。碟中的沙律菜亦絕不馬虎，新鮮爽脆，份量幾大。Croissant烤到幾脆配搭 腸、煙肉，味道唔錯，食完好飽
好多年無返過嚟何文田，今日再行一次梭椏道多咗好多特色小店，尤其是附近多了迷你豪宅。
路過見到餐廳霓虹招牌名字叫 《Are U Labeler 》，感覺幾有趣，餐廳內外都好chill，又多打卡位，決定入去試吓！再睇吓 openrice 有乜嘢招牌菜式。
珍寶啤酒脆漿炸魚薯條
減肥咁辛苦，放假梗係食啲高脂肪令自己開心嘅食物啦！珍寶啤酒脆漿炸魚真係非常高質，炸魚大大塊非常厚身，有好濃郁嘅魚味之外，食落每一啖都非常 Juicy ，最吸引嘅係佢啤酒脆漿，鬆脆可口，真係要加分。就連薯條都好有誠意，炸到脆卜卜再加埋紅椒粉調味。
全日早餐
All Day Breakfast 全日任何時段都可以食，英式 fusion 菜式，望到豐富已經心情舒暢，有 Black Truffle Scramble Egg、腸、煙肉🥓、大啡菇、薯餅、Croissant & Salad，好大堆頭。
碟中的沙律菜亦絕不馬虎，新鮮爽脆，份量幾大。Croissant烤到幾脆配搭 腸、煙肉，味道唔錯，食完好飽。
卡邦尼意粉 🍝
卡邦尼意粉食材看似簡單，要整得好食一啲唔簡單。意粉好有咬口彈性，醬汁 Creamy， 煙肉鹹香 ，意粉嘅味道更加豐富，份量都幾多。
棉花糖山配朱古力 Oreo 及意大利雪糕
廚師好細心咁幫我哋整甜品，棉花糖山好邪惡，鋪滿棉花糖，用火槍炙到外脆內軟，creamy 拉絲，配搭朱古力 Oreo 更加開心，中間放咗意大利雪糕，冰火交融，口感層次真係好豐富，棉花糖控一定唔可以錯過。
張貼
