影片
更多
2025-01-05
254 瀏覽
睇Mil mil介紹，韓國刺身幾有趣，就約咗平安夜晚過嚟食。約咗男朋友喺餐廳等，我哋俾人分配到係一張小圓枱，卡位旁邊。因為訪問同埋OpenRice啲相睇個場冇人，會覺得好舒服，其實坐滿人之後都幾嘈吵同逼夾。我同男朋友直程因為太嘈放棄傾偈主力食嘢。當晚個場見到大概有五個員工，加一個老闆間唔時幫手。我哋叫咗三個人想落單，佢哋最後都係走咗去執枱無再理我地，咁感覺翻桌係佢哋第一任務而唔係照顧食客。最後我哋叫到第四個人先順利落到單，成個感覺已經好麻麻，好似求佢俾我食咁。我哋叫咗刺身二人套餐+500g燒肉套餐，加嘢飲。前菜小食好快就上咗嚟，仲有一個貝類刺身頭盤。咁我哋食緊啲頭盤嘅時候燒肉就上咗嚟，但係由於之前嘅嘢食已經佔據咗張枱大部份嘅位置冇辦法開爐，之後有一個嬸嬸問我哋要食刺身先定燒肉先？咁我哋就話不如食晒啲刺身先。小菜食到一半左右，佢哋立即就幫我哋收起食完嘅小碟，話要幫我哋開爐，話刺身有排等，燒住嘢食先。我哋都幾無奈，但都算啦，佢話有排等都係可能想我哋有得食先，咁我哋開始燒嘢食。但係啱啱燒完第一嚿肉，個刺身拼盤就上咗嚟啦，咁個枱就梗係無位，夾硬放低喺爐隔離，一個只有我男朋友夾到但係我夾唔到嘅地
因為訪問同埋OpenRice啲相睇個場冇人，會覺得好舒服，其實坐滿人之後都幾嘈吵同逼夾。我同男朋友直程因為太嘈放棄傾偈主力食嘢。
當晚個場見到大概有五個員工，加一個老闆間唔時幫手。我哋叫咗三個人想落單，佢哋最後都係走咗去執枱無再理我地，咁感覺翻桌係佢哋第一任務而唔係照顧食客。最後我哋叫到第四個人先順利落到單，成個感覺已經好麻麻，好似求佢俾我食咁。
我哋叫咗刺身二人套餐+500g燒肉套餐，加嘢飲。
前菜小食好快就上咗嚟，仲有一個貝類刺身頭盤。咁我哋食緊啲頭盤嘅時候燒肉就上咗嚟，但係由於之前嘅嘢食已經佔據咗張枱大部份嘅位置冇辦法開爐，之後有一個嬸嬸問我哋要食刺身先定燒肉先？咁我哋就話不如食晒啲刺身先。小菜食到一半左右，佢哋立即就幫我哋收起食完嘅小碟，話要幫我哋開爐，話刺身有排等，燒住嘢食先。
我哋都幾無奈，但都算啦，佢話有排等都係可能想我哋有得食先，咁我哋開始燒嘢食。但係啱啱燒完第一嚿肉，個刺身拼盤就上咗嚟啦，咁個枱就梗係無位，夾硬放低喺爐隔離，一個只有我男朋友夾到但係我夾唔到嘅地方。所以全晚我男朋友忙住燒肉，仲要逐件魚生夾俾我食，又驚佢變熱，我都非常無奈，我哋重新執過嗰啲位，我要轉去一個同我男朋友再遠d嘅位，先可以將個魚生放喺我哋中間可以一齊夾到。
期間員工整跌咗我男朋友對筷子，但係因為環境太嘈，佢哋完全唔知自己整跌咗客人鐵筷子，而且我男朋友都搵唔到人幫佢換對筷子，最後佢要自己去廚房門口攞對乾淨筷子。
我哋燒肉期間冇晒gas，搵咗好耐先有人換，好似求佢俾我食咁。成功換咗Gas之後我哋繼續開始燒肉，笑笑吓個員工走過來熄咗我哋個爐話要換上面個烤板，當時我哋燒緊嚿肉，迫緊啲油同埋血水出嚟，突然俾人熄火。。。姑勿論嗰個嘢食會突然間變得好油膩，咁樣做非常冇禮貌，咁我哋都快手拎起嚿肉食俾佢換。。。
其實到呢個時候我哋已經結束咗，我哋完全唔想再燒落去，佢換完個爐之後見我哋冇食出晒煙，又再過嚟整，仲叫我哋可以燒㗎啦，快啲食啦，個客聽到呢句真係覺得自己好似隻狗咁，入嚟講頭趕命俾人哋拎啲嘢食過嚟叫我哋食食快d。好耐冇試過比一間餐廳咁樣對待。我哋決定唔食走人，當時枱面上仲有半份燒肉，三分之二分刺身。
因為我哋張枱冇單，我哋出去買單嘅時候都唔知點講，一位識廣東話嘅阿姨幫過我哋換爐，我就順便捉住佢話我哋要埋單，佢一直問我坐喺邊，我指住距離我哋兩張枱位置空位，佢完全醒唔起我坐邊，亦都唔想行過去搞清楚邊張枱，然後走去招呼客人入嚟坐，我地差啲連埋單都唔想理。最後我哋喺埋單個位企咗一陣等佢搞清楚張枱乜嘢Number，我哋先有辦法同收銀個韓國仔講到我哋張枱個號碼收錢。
埋單盛惠$1900。食品方面，唔知點解佢哋可以叫自己嘅刺身做推薦食品，1200食刺身絕對唔係平，佢都做得相應大份好多俾你，但係啲魚又韌又有筋，真心覺得係騙局，刺身送嘅小頭盤刺身直程係難食，應該係啲冇人要嘅貝類。燒肉正常不過不失，$500有500 g幾款唔同嘅肉，四圍出去食都係差唔多呢個價錢，不過搵唔到原因點解要嚟呢間食。懷疑呢度所有好評都係打手。
張貼
