影片
更多
2012-08-25
949 瀏覽
何謂服務性行業？點解明明錯都可以講到理直氣壯？今日遇到嘅呢件事、真係令我覺得依家香港年輕的一輩、真係有點不知所謂！事緣：今日去旺角彌敦道577號高氏大廈3A-B的加勒比海咖啡、坐低睇完餐牌、因為有點不理解餐牌上寫的「轉其他飲品補回差價」的意思、所以落單前已經特意問店員「差價」一事、店員當時回復話「$38以下飲品不用補差價」於是乎我點了一杯$35元的、而我朋友點了一杯$39元的。根據店員的解說正常我們只需補回$1元差價。點知埋單的時候、我的飲品需補$3元、而我朋友的需要補回$7元的差價。我們百思不得其解、只好向店員問清楚、亦都解釋左我事前已問過關於「差價」之事、點知第一個店員竟然話「$38以下飲品不用補差價」嘅係晚餐同午餐、而下午茶餐係「$32以下飲品不用補差價」講完就走左去、完全無解答我地個問題、正因為咁、我地只好叫店員②黎、將「差價」一事再說明一次、跟住個店員就話唔多清楚要去問下、接著就黎左店員③、首先又係先說明了「差價」一事後、店員③一開始就話因為落單個店員係新人、所以解釋錯左、跟住就話價錢係跟餐牌咁計無得改、又話我地無睇清楚個餐牌、咁我地就話就係因為我地都唔清楚、所以一開始有先問
今日遇到嘅呢件事、真係令我覺得依家香港年輕的一輩、真係有點不知所謂！
事緣：
今日去旺角彌敦道577號高氏大廈3A-B的加勒比海咖啡、坐低睇完餐牌、因為有點不理解餐牌上寫的「轉其他飲品補回差價」的意思、所以落單前已經特意問店員「差價」一事、店員當時回復話「$38以下飲品不用補差價」於是乎我點了一杯$35元的、而我朋友點了一杯$39元的。根據店員的解說正常我們只需補回$1元差價。點知埋單的時候、我的飲品需補$3元、而我朋友的需要補回$7元的差價。
我們百思不得其解、只好向店員問清楚、亦都解釋左我事前已問過關於「差價」之事、點知第一個店員竟然話「$38以下飲品不用補差價」嘅係晚餐同午餐、而下午茶餐係「$32以下飲品不用補差價」講完就走左去、完全無解答我地個問題、正因為咁、我地只好叫店員②黎、將「差價」一事再說明一次、跟住個店員就話唔多清楚要去問下、接著就黎左店員③、首先又係先說明了「差價」一事後、店員③一開始就話因為落單個店員係新人、所以解釋錯左、跟住就話價錢係跟餐牌咁計無得改、又話我地無睇清楚個餐牌、咁我地就話就係因為我地都唔清楚、所以一開始有先問清楚、但係你地同事就話「$38以下飲品不用補差價」、而依家我地發覺張單唔係好啱、最後係我地你一言我一語嘅情況下、個店員很串地咁講:「咁我地扣返$3蚊比你地囉」跟住我就同佢講、唔係淨係得$3蚊嘅問題、仲有其他問題、應該話成張單嘅問題、之後個店員繼續以令人很不爽的態度話「頭先你地淨係話$3蚊、我唔知、你地淨係話$3蚊。」
由於佢令人十級不滿意的態度、我地就同佢講、你叫個話得事嘅人黎同我地講。
接住個店員③就話就算話得事嘅人黎到、都係會照收。我地就同佢講、唔緊要、你叫佢黎。店員③就話、要等15分鐘、我地就話OK,我地等。
點知講完以上對話唔夠5分鐘、本來一開始幫我地落單果個店員就過黎道歉兼解釋返佢講錯左比我地知、仲話為左道歉、免兩杯飲品比我地、而我地根本就唔係要R免費野飲、而係原則嘅問題。重點係我地走果陣店員③仲要啤住我地。
而係呢件事上面、我會覺得明明係店員解釋上的錯誤、點解仲可以理所當然咁講埋咁多歪理。
張貼
