影片
更多
2020-07-06
98 瀏覽
喺太子地區車仔麵差唔多到到都有得食， 但要搵間除食之外意念一樣的車仔麵就唔係度度都有。 今次就去咗 太子界限街橋底的 何車車仔麵 ， 一睇出面 餐牌左上角的裝置 ， 你就會食得安心 。 老實講餐廳唔大， 十個人都坐唔到 ， 但整體環境乾淨衛生。最喜歡是這裏已經有一個個車仔麵餐， 免卻有選擇困難症的我再去慢慢揀餸。大何車有曬10款配料：魷魚、 豬紅 、豬皮、豬大腸、 魚蛋 、雞翼尖、 雞翼 ， 由於是日冇牛筋就以腸仔代替 ，最推薦 魚蛋， 自家製咖哩汁 微辣而惹味， 豬大腸洗得乾淨白雪雪冇壓味，雞翼 同雞翼尖 皮滑肉嫩， 滷得入味， 這個非常讚！小食每款10蚊起， 當然要叫多兩款 ， 有是日推介嘅脆炸豬大腸與及脆炸腐皮角，即叫即炸， 腐皮角 彈牙，而且件數多, 脆口又惹味。另外最貼心嘅係呢度可以揀菜底， 可以揀羽衣甘藍菜心韭菜生菜等等做base， 我就揀咗關東煮配何媽水餃及飛天牛腩。蘿蔔 鮮甜無渣， 另外有齊冬菇金菇等等， 呢個關東煮個湯唔會太鹹， 反而仲食到菇類的鮮甜味。 河馬水餃其實係韭菜水餃， 韭菜鮮甜豬肉甜美，好食。牛腩分開上，唔怕影響湯底，做法貼心，飛天牛腩入味又 啖啖肉，係大
喺太子地區車仔麵差唔多到到都有得食， 但要搵間除食之外意念一樣的車仔麵就唔係度度都有。 今次就去咗 太子界限街橋底的 何車車仔麵 ， 一睇出面 餐牌左上角的裝置 ， 你就會食得安心 。 老實講餐廳唔大， 十個人都坐唔到 ， 但整體環境乾淨衛生。
最喜歡是這裏已經有一個個車仔麵餐， 免卻有選擇困難症的我再去慢慢揀餸。
大何車有曬10款配料：魷魚、 豬紅 、豬皮、豬大腸、 魚蛋 、雞翼尖、 雞翼 ， 由於是日冇牛筋就以腸仔代替 ，最推薦 魚蛋， 自家製咖哩汁 微辣而惹味， 豬大腸洗得乾淨白雪雪冇壓味，雞翼 同雞翼尖 皮滑肉嫩， 滷得入味， 這個非常讚！
小食每款10蚊起， 當然要叫多兩款 ， 有是日推介嘅脆炸豬大腸與及脆炸腐皮角，即叫即炸， 腐皮角 彈牙，而且件數多, 脆口又惹味。
另外最貼心嘅係呢度可以揀菜底， 可以揀羽衣甘藍菜心韭菜生菜等等做base， 我就揀咗關東煮配何媽水餃及飛天牛腩。蘿蔔 鮮甜無渣， 另外有齊冬菇金菇等等， 呢個關東煮個湯唔會太鹹， 反而仲食到菇類的鮮甜味。 河馬水餃其實係韭菜水餃， 韭菜鮮甜豬肉甜美，好食。牛腩分開上，唔怕影響湯底，做法貼心，飛天牛腩入味又 啖啖肉，係大胃人士必點之選。
最後仲叫咗個蝦子撈粗麵， 蝦子分量比得超多， 自己再搭不同的小食，超抵食。
小店可能人手不足，暫時未能供應茶類飲品，但是仍然可以叫可樂烏龍茶等等， 期待將來可以供應更多不同款式的飯類。
張貼
