程班長台灣美食 (已結業)

星期六放半晝，同事提議去「程班長」。未有聽聞，差尐（讀音：D）問佢：「你中學個班長開架？」舖頭响荔枝角地鐵站附近一間工業大廈既一樓。應該平時好多人，要齊人先安排入座。坐低之後發現枱面有一份過左膠既menu，有枝紅筆可以劃上去，「既方便又環保」。選定之後去排隊落單同俾錢，因為全部職員都係講國語，用紅筆劃劃劃可以避免雞同鴨講。店內沒有多少布置，就是摺凳加長枱，standard 中學 canteen 格局，或者你可以幻想自己响台灣街頭。牆上貼了刈包($32)，賣相非常吸引，當然要試下。我們問伙計可否切開三份，她說只可以開兩份。包熱辣辣，咬落去味道複雜，有鹹有甜又香口又有點油膩。是一塊燒香了的肥肉，七分瘦三分肥，再加了黃糖和芫茜和香料，非常有趣的配合，一試難忘。家鄉餃子($35) ，皮薄涵靚，就如所有的街頭小食，重點係咩？要襯熱食！重點的半筋半肉麵($52)，我不太吃辣要了清湯，同事要了紅燒。腩的用料好，明顯是經過時間慢火燉﹝我想至少一晚！﹞，配合刀功，濃厚的肉味，有口感又不韌。湯是用牛骨加上骨髓熬製，也是心機時間，可見師傅的堅持。伙計再三叮囑一定要把湯喝清，有益健康啊！愛甜的朋友不可錯過幾款