i CREMERiA (已結業)

由於海港城Coupon實左太多，而呢間店又用得。所以，我一個月食左3次，而呢3次之前我係未光顧過的。可見，coupon是很誘惑的。食左3次，我每次都係叫Affogato，每次都左揀右揀然後都係揀返同一個。呢度的咖啡撞雪糕係好食的，好食在個雪糕好厚好濃，個咖啡亦都好香，當然我第一次食的時候期望過個底會唔會有Oreo，咁當然係冇啦。但本身來講，已經好食、簡單。但有件事好矛盾，有時雪糕小啲，食到底就可以飲到濃濃咖啡雪糕汁; 有時雪糕多啲，就食到好多雪糕好開心，但到尾又冇左濃濃咖啡味的雪糕汁。我覺得好難取捨，你覺得呢？另外一個係卷，但我對佢的卷冇乜興趣，食左亦都冇太大感受，所以我唔comment喇。不過，我見到人地食焦糖燉蛋卷，我覺得下次應該要試下，見到工作人員好用心咁用火槍火炙個卷，都好有興趣。