影片
更多
2015-11-25
4219 瀏覽
話說今日即興同點心(Deemsum)食lunch，去到附近嘅一間叫做橋香園嘅小型港式麵食鋪頭，食過橋米線。雖然都已經係十一月！！但係受 El nino 影響，根本仲好似七、八月咁熱！用天時暑熱去形容真係適合不過！我哋去到差唔多都已經一點半，佢個門口條龍長過佢煮嗰條米線。淨係喺門口，朕已經真係要等十分鐘多，人黎，同朕撥扇！！ 點心當然滴晒汗啦⋯⋯門口已經夠晒大鑊，但係好彩店員都好識做咁樣先幫我地落晒單。 入到去，真係逼到，朕覺得有啲似柴房，同埋因為一早已經喺門口落晒單嘅關係，一坐低店小二已經彈兩碗不知名米線過黎。有另外兩位肚餓人士（或稱排隊之友）同枱，我哋四個人八隻眼 ，你眼望我眼，我眼又望你眼，根本唔知邊碗打邊碗。媽我好亂啊！！米線既湯底比起「橙記」嗰間米線朋友為清，絕對係冇咁多味精，但係喜歡重口味嘅米線人士有機會覺得湯底淡。 朕就當然係鍾意淡淡地啦 ，偶爾食下重口味係唔錯，但係講長遠，始終係淡口味襟食啲嘅。米線滑滑溜溜，長長的，焉焉UNUN，都算係合格有突! 好味s 講到配料，朕就叫咗個雙拼。雙雙對對好意頭呀嘛。 魚皮餃真係幾細粒，而且貢丸都真係比較細粒，仲細過粒乒乓波。 口感其
雖然都已經係十一月！！但係受 El nino 影響，根本仲好似七、八月咁熱！用天時暑熱去形容真係適合不過！
我哋去到差唔多都已經一點半，佢個門口條龍長過佢煮嗰條米線。淨係喺門口，朕已經真係要等十分鐘多，人黎，同朕撥扇！！ 點心當然滴晒汗啦⋯⋯門口已經夠晒大鑊，但係好彩店員都好識做咁樣先幫我地落晒單。 入到去，真係逼到，朕覺得有啲似柴房，同埋因為一早已經喺門口落晒單嘅關係，一坐低店小二已經彈兩碗不知名米線過黎。有另外兩位肚餓人士（或稱排隊之友）同枱，我哋四個人八隻眼 ，你眼望我眼，我眼又望你眼，根本唔知邊碗打邊碗。媽我好亂啊！！
米線既湯底比起「橙記」嗰間米線朋友為清，絕對係冇咁多味精，但係喜歡重口味嘅米線人士有機會覺得湯底淡。 朕就當然係鍾意淡淡地啦 ，偶爾食下重口味係唔錯，但係講長遠，始終係淡口味襟食啲嘅。
米線滑滑溜溜，長長的，焉焉UNUN，都算係合格有突! 好味s
講到配料，朕就叫咗個雙拼。雙雙對對好意頭呀嘛。 魚皮餃真係幾細粒，而且貢丸都真係比較細粒，仲細過粒乒乓波。 口感其實都幾彈牙嘅，咬落去起初係有輕輕回彈嘅感覺。
咁當然係咪真係識彈⋯⋯朕就唔知啦，朕得果兩三粒，真係唔夠掟落地去試俾各位文粉睇。你話醬爆拉尿牛丸都可以用黎打乒乓波，但係佢粒貢丸應該係用嚟捉波子棋。不過朕呢排玩健康，細細啖咁食都算係幾飽肚既。不過就真係未必應付到大食啲嘅勞苦大眾。
而佢碗米線嘅配菜都算多，有韭菜、芫茜、芽菜等，算係多元化，不過小窩米線嘅肉碎真係少之又少，雖然我唔係話要好似滷肉飯咁多肉碎，但佢係真係少得比較緊要。文員嚟架咋我！
Anyway，總括來講性價比算係幾高，連埋嘢飲＄50個大洋都唔使，「曲施勞」凍冰冰係幾好飲，啱晒朕呢一啲懶健康人士。如果你想同D朋友坐得親密啲都可以一試，如果你鍾意食乒乓波貢丸嘅，就一定要試。(你睇圖中(右)既佢，食得幾開心，就知冇食錯啦)
張貼
