影片
更多
2017-02-17
114 瀏覽
銅鑼灣開完會行過附近見到呢間酒吧，個客話想好好坐低吹下水，於是就去左食下野休息下，睇睇下菜單呢間舖都幾多啲野食，呢度開飯感覺好似係啲新式茶餐廳咁。炸馬蘇里拉芝士條芝士條夠晒邪惡，食落夠厚實，外皮夠脆身，加埋佢本身果種強力嘅拉絲效果，作為個前菜好令人夠滿意。沙爹嗲安格斯牛撈出前一丁食左前菜就緊係要食個主菜先喇，呢個撈丁真係好足料，入口有濃濃的沙嗲牛肉，唔洗加入任何嘅配料，都好惹味，而且牛肉嘅份量絕對唔會小，麵又夠彈牙，真係令人比一般餐廳整撈麵都做得好。班尼迪蛋鬆餅班尼迪蛋未切之前嘅非常亮身，一切蛋汁就流晒出黎，真係超級靚，而且仲好真材實料架，因為除左班尼迪蛋仲有足量嘅煙肉，口感結實，再配埋班尼迪蛋嘅蛋汁超級惹味。雪糕三文治雪糕夠晒凍，成個雪糕三文治夠晒結實，餐廳整到成個漢堡咁，而且唔會太甜，食完熱食食番個涼番下，果陣舒暢令人難忘，好小係酒吧會有咁特別嘅感覺。Special Drink本來想叫杯比較清新嘅cocktail , 點知咁岩有些材料缺貨，店員就為我創作了一杯新嘅cocktail , 入口好似青瓜味嘅馬天尼，真係好清新又唔會太重酒味，用黎坐下傾下偈，認真唔錯辦館比起一般酒吧所有野都
銅鑼灣開完會行過附近見到呢間酒吧，個客話想好好坐低吹下水，於是就去左食下野休息下，睇睇下菜單呢間舖都幾多啲野食，呢度開飯感覺好似係啲新式茶餐廳咁。
炸馬蘇里拉芝士條芝士條夠晒邪惡，食落夠厚實，外皮夠脆身，加埋佢本身果種強力嘅拉絲效果，作為個前菜好令人夠滿意。
沙爹嗲安格斯牛撈出前一丁食左前菜就緊係要食個主菜先喇，呢個撈丁真係好足料，入口有濃濃的沙嗲牛肉，唔洗加入任何嘅配料，都好惹味，而且牛肉嘅份量絕對唔會小，麵又夠彈牙，真係令人比一般餐廳整撈麵都做得好。
班尼迪蛋鬆餅班尼迪蛋未切之前嘅非常亮身，一切蛋汁就流晒出黎，真係超級靚，而且仲好真材實料架，因為除左班尼迪蛋仲有足量嘅煙肉，口感結實，再配埋班尼迪蛋嘅蛋汁超級惹味。
雪糕三文治雪糕夠晒凍，成個雪糕三文治夠晒結實，餐廳整到成個漢堡咁，而且唔會太甜，食完熱食食番個涼番下，果陣舒暢令人難忘，好小係酒吧會有咁特別嘅感覺。
Special Drink本來想叫杯比較清新嘅cocktail , 點知咁岩有些材料缺貨，店員就為我創作了一杯新嘅cocktail , 入口好似青瓜味嘅馬天尼，真係好清新又唔會太重酒味，用黎坐下傾下偈，認真唔錯
辦館比起一般酒吧所有野都做得更到位，因為餐廳有中西合壁嘅感覺亦更加令人享受。除咗有室內座位之外，佢地仲有室外露天位，叫杯酒同朋友吹下風都幾好ｆｅｅｌ，有機會經過都會再黎！
張貼
