影片
更多
2018-07-13
239 瀏覽
筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！ 身為一個麻甩仔，係屋村長大，食碟頭飯同大排檔大，何解今日淪落到去食空氣...？I mean梳乎厘班戟老實講我初頭真係無興趣，覺得只不過係港女呃like玩意，賣外表同氣氛，實際係食空氣，仲要大拿拿成舊水...不過，自從跟我個港女女友去食過之後，就番唔到轉頭...FlLIPPER'S係日本扎根，本身已經極具人氣，自從I.T.引進香港Hysan之後，條人龍開業至今未停過...當日下午3點左右去都要排成45分鐘，可見其誇張程度。排隊個陣已經諗好食乜，所以一入座就去cashier俾錢落單，拎左號碼牌，等左10分鐘左右野食就到了綠茶紅豆pancake碟上放有三大塊pancake，再有兩舊天然奶油同一pat紅豆。Pancake食落口好輕，真係好似食緊一舊雲咁，但唔係
身為一個麻甩仔，係屋村長大，食碟頭飯同大排檔大，何解今日淪落到去食空氣...？I mean梳乎厘班戟老實講我初頭真係無興趣，覺得只不過係港女呃like玩意，賣外表同氣氛，實際係食空氣，仲要大拿拿成舊水...不過，自從跟我個港女女友去食過之後，就番唔到轉頭...
FlLIPPER'S係日本扎根，本身已經極具人氣，自從I.T.引進香港Hysan之後，條人龍開業至今未停過...當日下午3點左右去都要排成45分鐘，可見其誇張程度。排隊個陣已經諗好食乜，所以一入座就去cashier俾錢落單，拎左號碼牌，等左10分鐘左右野食就到了
綠茶紅豆pancake
碟上放有三大塊pancake，再有兩舊天然奶油同一pat紅豆。Pancake食落口好輕，真係好似食緊一舊雲咁，但唔係普通嘅雲，而係充滿蛋香同牛油味嘅雲，仲有少少濕潤，配埋凍凍地嘅奶油真係無得頂！冰火兩重天！
甜甜地、濕濕地、滑滑地...係幸福嘅感覺呀，你明唔明呀？
真係忍唔住一啖又一啖，直頭同我女友爭食。至於個pat紅豆就顯得有d普通。
性價比一般啦，$119有三大塊pancake我覺得應份囉
綠茶紅豆pancake
$119
19 瀏覽
0 讚好
0 留言
珍珠奶茶
店內要求每位客人點一樣野，所以焗住叫左杯珍珠奶茶，飲一啖已經知中伏，奶茶無味似奶水，珍珠又係無味實的的，不喝也罷！事後諗番：係喎！日本都無珍珠奶茶飲嘅
珍珠奶茶
$26
12 瀏覽
0 讚好
0 留言
張貼
