影片
更多
2021-09-02
21 瀏覽
有日咁啱喺荃灣同朋友行街見到有間裝修幾靚嘅台灣嘢就入咗去 叫「你妳」 位置相當方便 距離地鐵站只有10分鐘 附近仲有好多其他食肆 不過呢間望落好乾淨好企理🤩 後尾上網睇發現原來紅磡同葵涌都有分店講返食物先 我同朋友兩個人都叫咗幾多野 蝕咗$300 好食！個人認為性價比都幾高🤪唔會得個樣我同朋友分別叫咗兩個招牌飯麵套餐 而便當入面都有半隻糖心蛋、粉絲、一碗湯/菜、熱冬瓜茶。雖然係配菜 但都睇得出煮得好有心機 糖心蛋滷得好入味 隻蛋亦都唔會好熟 有少少流心😋而我覺得最好食就係佢嘅粉絲 食落好清爽 有少少蒜頭 香味十足湯底方面我同朋友叫咗一碗花枝丸湯、一碗蝦卷湯 湯底微酸 重黑椒粉味 會令人不停想繼續飲🤣🤣配菜都咁多嘢講因為實在太好食😂講主角先~乾伴麵便當$68，雖然話乾伴麵 但食落一啲都唔會乾 仲有少少汁 滷肉肥瘦適中 唔會話好肥膩而滷水焢肉便當$72，焢肉亦滷得入味 肉質嫩滑 肥膏一啲都唔油膩👍🏻飲品方面叫咗手作紫芋牛奶+炭培烏龍珍珠奶茶，跟套餐叫只需半價/加$10。如果鍾意食紫米露嘅朋友一定要試吓紫芋牛奶 味道好相似。我朋友叫嘅珍珠奶茶就冇咁甜 睇吓你哋鍾唔鍾意飲甜嘅啦~小食方面我哋叫
講返食物先 我同朋友兩個人都叫咗幾多野 蝕咗$300 好食！個人認為性價比都幾高🤪唔會得個樣
我同朋友分別叫咗兩個招牌飯麵套餐 而便當入面都有半隻糖心蛋、粉絲、一碗湯/菜、熱冬瓜茶。雖然係配菜 但都睇得出煮得好有心機 糖心蛋滷得好入味 隻蛋亦都唔會好熟 有少少流心😋而我覺得最好食就係佢嘅粉絲 食落好清爽 有少少蒜頭 香味十足
湯底方面我同朋友叫咗一碗花枝丸湯、一碗蝦卷湯 湯底微酸 重黑椒粉味 會令人不停想繼續飲🤣🤣
配菜都咁多嘢講因為實在太好食😂講主角先~
乾伴麵便當$68，雖然話乾伴麵 但食落一啲都唔會乾 仲有少少汁 滷肉肥瘦適中 唔會話好肥膩
而滷水焢肉便當$72，焢肉亦滷得入味 肉質嫩滑 肥膏一啲都唔油膩👍🏻
飲品方面叫咗手作紫芋牛奶+炭培烏龍珍珠奶茶，跟套餐叫只需半價/加$10。如果鍾意食紫米露嘅朋友一定要試吓紫芋牛奶 味道好相似。我朋友叫嘅珍珠奶茶就冇咁甜 睇吓你哋鍾唔鍾意飲甜嘅啦~
小食方面我哋叫咗芝士玉米蛋餅 $36+ Super mix (地瓜條+甜不辣條) $42。
蛋餅係手抓餅皮 厚身的 啱晒我鍾意食手抓餅 涵都好足料 每一啖都有蛋同好多粟米粒😚
至於Super mix (地瓜條+甜不辣條) 我覺得佢哋好貼心 因為會問你想炸到幾脆 有357成揀 而我哋就揀咗5成，如果想食到甜不辣原本嘅味道 就可以叫三成 如果想脆啲就叫七成啦~
另外仲有五款調味粉俾你揀 有甘梅粉、辛辣粉等等 第一次食炸甜不辣 原來係咁好食 外圍炸得好脆 入面就係似年糕煙煙銀銀咁
最後叫咗一碗仙草2號 (三色芋圓、小芋圓、紅豆) $46作終結 仙草偏硬 芋圓好大粒 都幾煙韌 仲俾咗好多粒 份量相當足🤣
估唔到隨便行吓都搵到一間咁好食嘅台灣菜 性價比有咁高 下次一定會再幫襯 🤩
menu
張貼
