研香

營業中

休息中

如果你希望係呢度食到即整糖水，咁你嚟錯地方。可以去附近其他甜品鋪，相信都會有個更加好嘅用餐體驗。店員一帶位就已經帶咗我地兩位嚟到一個好奇怪嘅位。當你以為兩個人坐多數都係坐對面或坐隔離，咁你真係太年輕啦！係可以九十度咁坐架！仲要有一位坐係間鋪必經嘅走廊位，個走廊唔夠一米，仲要裝一個成年人，再加各位食客同侍應來來回回。短短二十分鐘，就可以俾人撞咗十次。侍應撞到你亦唔會有任何反應，唔講以為我做錯啲咩。我同友人叫咗一碗芝麻糊溝杏仁糊同椰皇燉桃膠，芝麻湖好快就嚟到，因為碗嘢同水差唔多質地，但水中又帶點粒狀物，用四十碗嘅價錢做出百佳即溶嘅味道都唔簡單。