日日香鵝肉飯店 (黃埔新邨) (已結業)

日日香紅磡分店裝修好靚，企理乾淨，真心覺得呢間食店係一個人打冷既好店。有時好想打冷，但兩個人都食唔到咩既時候一個人更無可能。今次叫左個鵝片瀨粉包粗熱飲，鵝片都有六塊，仲有豬肉片、豆卜同酸菜，價錢仲好抵（$80），仲可以加返個滷水油菜。鵝片部位肥瘦適中，味道亦都好香好食。今晚同朋友一齊食，仲可以叫埋其他小食Share，細細碟仲可以試多幾款，特價嘅$18滷水豆腐好入味，個人推薦紅腸同墨魚🦑，大大碟一啲都唔孤寒，滷水味道做得好好，唔會過咸。跟餐仲可以加$38叫個燉湯，而家天氣凍凍地，暖下胃啱啱好！