天ぷらまきの

營業中

休息中

呢啲商場入面嘅日式裝修嘅食肆，你會期望啲乜？---- 嘢要好食？可以嘅！我食個豚肉天婦羅蛋丼係好食嘅，有汁、飯軟硬適中、蛋炸得啱啱好（有少少流心，脆邊）、豚肉靚又好食；再叫咗個炸苦瓜，加少少所謂海鹽（其實我唔識分係定唔係海鹽🫢），甘甘脆脆，過癮。---- 環境理想？新裝修，實ok嘅，乾淨！枱夠大，又唔會同其他枱太過貼。---- 服務超讚？未必有，冇乜印象有，但最記得係有個姐姐（定妹妹，唔肯定）放碟炸苦瓜落枱果陣聲都唔聲吓，求其放低就轉身走左，似係茶記啲fd。可能我自我感覺高尚，希望食個人均$150左右嘅午餐要有比茶記好嘅服務🫣---我會番食。