影片
更多
2018-02-23
969 瀏覽
話說尖沙咀有一間專門食大阪燒、廣島燒同文字燒嘅專門店一直人潮湧湧，小妹次次去親都要等到天荒地老流連在摩天輪，所以好多時都放棄，依家終於開咗幾間分店疏導吓啲人，唔使等咁耐，小妹終於食到啦！小妹對於黏笠笠嘅飯冇乜興趣，所以放棄咗文字燒，大阪燒又冇乜特別，反而覺得廣島燒比較討好，多菜，有啲豚肉同炒麵，所以就叫咗一個廣島燒（＄９８），小妹同朋友兩個人分享一個廣島燒，感覺都幾飽，所以＄９８一個真係好抵！由於呢度係自己整，所以你可以跟餐廳嘅專業指引整，亦可以憑感覺自己ＤＩＹ。小妹識食唔識整，就惟有叫店員示範，而店員亦好Ｎｉｃｅ，非常樂意效勞，呢點值得讚呀！以下菬嚟有店員親身示範完整嘅製作廣島燒過程，大家快啲參考吓學整喇！首先就係用粉漿整個底，要剩番粉漿備用，千祈唔好落晒。然後放上乾海鮮餅、蔥等材料喺個粉漿上面。再放上椰菜同豚肉，疊高。之後淋上一層粉漿。然後就係考大家臂力同智力嘅時間… …將成舊嘢反轉嚟燒，底變面。反轉之後就塑好個形。塑好個形之後就炒麵，記得要淋上店內秘製甜醬油。炒完麵之後就將啲麵放上個燒上面。之後就煎蛋餅。煎好之後就放喺啲麵上面，一層一層咁，愈疊愈高。再淋上醬汁同加啲沙律醬就大功告
小妹對於黏笠笠嘅飯冇乜興趣，所以放棄咗文字燒，大阪燒又冇乜特別，反而覺得廣島燒比較討好，多菜，有啲豚肉同炒麵，所以就叫咗一個廣島燒（＄９８），小妹同朋友兩個人分享一個廣島燒，感覺都幾飽，所以＄９８一個真係好抵！由於呢度係自己整，所以你可以跟餐廳嘅專業指引整，亦可以憑感覺自己ＤＩＹ。小妹識食唔識整，就惟有叫店員示範，而店員亦好Ｎｉｃｅ，非常樂意效勞，呢點值得讚呀！
以下菬嚟有店員親身示範完整嘅製作廣島燒過程，大家快啲參考吓學整喇！
首先就係用粉漿整個底，要剩番粉漿備用，千祈唔好落晒。
然後放上乾海鮮餅、蔥等材料喺個粉漿上面。
再放上椰菜同豚肉，疊高。
之後淋上一層粉漿。
然後就係考大家臂力同智力嘅時間… …將成舊嘢反轉嚟燒，底變面。
反轉之後就塑好個形。
塑好個形之後就炒麵，記得要淋上店內秘製甜醬油。
炒完麵之後就將啲麵放上個燒上面。
之後就煎蛋餅。
煎好之後就放喺啲麵上面，一層一層咁，愈疊愈高。
再淋上醬汁同加啲沙律醬就大功告成喇，是未好簡單呢？大家可以試吓郁手自己做廣島燒架！
除咗啲燒之外，大家仲可以燒吓肉（豬五花＄４８），食吓野菜蒸（＄４８）咁，有得玩，又有得食，價錢又唔貴，好值得大家試吓！
張貼
