Super Farm

營業中

休息中

食晏時段下午12:26排隊12:50入安排位置服務員，執枱加攞籌都係佢，所以慢慢執，門口等攞籌嘅人都要等佢執埋枱先得，有位都要等佢執埋另一張枱先，但係員工唔止佢一個，仲有兩個人繁忙時間傾緊計莫視等籌嘅人！一定要人登記電話號碼電郵話做左會員先可以食，等攞籌果時可以慢慢登記，到另一點餐員，佢態度和速度都配合到食晏時段嘅節奏，以為之後會上餐都會好快，等左一分鐘，一杯即磨暖咖啡可以取，等左25分鐘先有主菜仲要唔知係咪漏單，咖啡都變凍咖啡了！我見差唔多排我後五位都有主菜上都仲未到我，結果飲哂咖啡都未黎主菜，廚房都係冇停手，但係慢慢伴碟，法國菜速度，返工時段應該得一小時放飯，我唯有十分鐘食完走人！要預算兩小時先好考慮黎食！坐位少、被安排坐高枱一定要生得高嘅人先好坐，唔係實吊腳，矮餐枱又坐度頂住，八歲小朋友就啱啱好。