影片
更多
2007-10-20
星期四紅日假期前夕，約了舊同事吃飯，一行五人，為了方便大家來，便選了在旺角，而book的時候只得這間可在七時offer枱(其他大部分都要在8:30後)，故便選了這裏，結果換來一肚氣!(我上次母親節時在TST Peking Road那間潮樓同媽咪食飯，無論食物和sevice都不錯，仲有小禮物送比媽咪，有幾好印象，故才再考慮book潮樓。)我們準時到來不久，貌似“如花”(*~*)的女待應推介價值599的套餐，套餐有潮式拼盤、魚翅、蝦、魚、雞，幾款小菜、炒飯和壽包，仲有六枝汽水，又免茶芥加一，咁抵，於是便落單。(當時約七時許)“怪事”開始發生……首先，我們還有一位朋友on the way未到，但我們眾人都餓，於是想先來拼盤作starter邊吃邊等，其他菜想hold住暫時唔上，但待應說不可只來拼盤，起菜就要全部起。吓??! 咁都做唔到? 點解你地做野咁死板? 結果他們都能夠先上拼盤，但亦開始明白點解待應說“起菜就要全部起”的不解之謎……(因為唔黎就有排唔駛黎)拼盤來後約十多分鐘，朋友到齊了，便叫起菜，結果，等了半個鐘也沒有來，追問才發現剛才的待應沒有向廚房說起菜……又再等一段時間，只來了蝦，其
我們準時到來不久，貌似“如花”(*~*)的女待應推介價值599的套餐，套餐有潮式拼盤、魚翅、蝦、魚、雞，幾款小菜、炒飯和壽包，仲有六枝汽水，又免茶芥加一，咁抵，於是便落單。(當時約七時許)
“怪事”開始發生……
首先，我們還有一位朋友on the way未到，但我們眾人都餓，於是想先來拼盤作starter邊吃邊等，其他菜想hold住暫時唔上，但待應說不可只來拼盤，起菜就要全部起。吓??! 咁都做唔到? 點解你地做野咁死板? 結果他們都能夠先上拼盤，但亦開始明白點解待應說“起菜就要全部起”的不解之謎……(因為唔黎就有排唔駛黎)
拼盤來後約十多分鐘，朋友到齊了，便叫起菜，結果，等了半個鐘也沒有來，追問才發現剛才的待應沒有向廚房說起菜……
又再等一段時間，只來了蝦，其後，炒飯、雞和兩款小菜都來了，ok，喺耐D，算啦……
點知，個碟冬瓜秀珍菇，嘩嘩嘩!!! 好//////////////////難食呀!!!! 點解有咁大浸枱布味，好臭呀! 其中一個friend話應該是菇處理不好，不能去味(即是廚師功未到家??)。我們叫了經理來，經理處理都ok la，立即肯換，並提議我們吃另一款小菜，避免再吃到“臭菇”，他提議的?魚炒芥蘭(唔記得叫乜魚)，ok喎，幾香。
可惜，上完以上幾道菜，便沒有繼續了。已是九時多(落單時是七時許)，這時還欠魚、一個小菜及壽包，展轉向數名待應追單不果，其中有些都沒禮貌，斷斷續續，小菜及壽包都來了，但魚也沒來，經理表示因要蒸，故要等。吓? 由七點幾要蒸到九點半?? 蒸乜呀? 結果條魚接近十時才來，壽包都凍了……
食完餐飯都十點半，成晚餐飯D餸竟然可以上足幾個鐘，仲要左催右請，待應說“起菜就要全部起”，原來喺因為唔一次過起，就會換來如此下場。仲有，呢到好多外勞，她們的對答反應都怪怪地，九唔搭八，部分更沒禮貌。喂喂喂……唔好用客多做藉口，你地稻香咁大集團，呢D場面都搞唔點?? 好好整頓一下管理層吧。>_<
張貼