影片
更多
2018-12-04
6471 瀏覽
今年男朋友仔生日，因為上年食咗日本菜，所以好快決定咗食西餐！有好多人鍾意生日食buffet，但我就鍾意fine dining，因為浪漫d嘛~咁食西餐都要有個主題先得嘅～我好努力咁收窄咗範圍，就係生蠔同龍蝦兩個之中揀一個，我好努力唔想比佢知嘅情況下試探佢口風，最後決定就食以龍蝦為主題嘅生日燭光晚餐！上網search過，原來港島香格里拉正正就有間以龍蝦做主題嘅fine dining，人一世物一世，點都要去試下！餐廳個logo都有隻好Cute 嘅龍蝦，好鬼攪笑！我哋book咗6點鐘，當時得我哋一枱客同兩、三個人喺吧枱。好開心可以靜靜地咁坐下傾下偈，慢慢影下相，再慢慢睇下menu。(前年去TST某酒店食西餐，點知......比隔離枱10幾人嘈到即刻想走！唔好得罪女人，我好記仇㗎！)而且餐廳有一排落地玻璃窗，呢個時間啱啱天未黑，有充足嘅光線射入餐廳，同入夜後外面燈光較暗相比，兩種唔同嘅感覺！環境舒服，令人不知不覺就坐咗幾個鐘都唔會覺得耐。7點幾影嘅，之後掛住影食物同有其他客人，冇再影餐廳lu!由於我訂枱時有特別要求坐「背脊有魚缸嘅圓枱」，佢全間餐廳一共有3張，我哋坐正中間果張，一路食嘢一路有海底
咁食西餐都要有個主題先得嘅～我好努力咁收窄咗範圍，就係生蠔同龍蝦兩個之中揀一個，我好努力唔想比佢知嘅情況下試探佢口風，最後決定就食以龍蝦為主題嘅生日燭光晚餐！
上網search過，原來港島香格里拉正正就有間以龍蝦做主題嘅fine dining，人一世物一世，點都要去試下！
餐廳個logo都有隻好Cute 嘅龍蝦，好鬼攪笑！
我哋book咗6點鐘，當時得我哋一枱客同兩、三個人喺吧枱。好開心可以靜靜地咁坐下傾下偈，慢慢影下相，再慢慢睇下menu。(前年去TST某酒店食西餐，點知......比隔離枱10幾人嘈到即刻想走！唔好得罪女人，我好記仇㗎！)而且餐廳有一排落地玻璃窗，呢個時間啱啱天未黑，有充足嘅光線射入餐廳，同入夜後外面燈光較暗相比，兩種唔同嘅感覺！環境舒服，令人不知不覺就坐咗幾個鐘都唔會覺得耐。
7點幾影嘅，之後掛住影食物同有其他客人，冇再影餐廳lu!
由於我訂枱時有特別要求坐「背脊有魚缸嘅圓枱」，佢全間餐廳一共有3張，我哋坐正中間果張，一路食嘢一路有海底奇兵睇，哈哈！
其實決定嚟之後，我已經上網睇過menu，最後我哋叫咗2個Signature set menu。另外叫咗時令menu 入面一個以白蘆筍為主嘅Appetiser！話明時令，所以成日唔同㗎，餐廳會不時update 個新menu上網站，去之前可以參考返！
呢類餐廳枝水都係收費，大約$100左右，通常有sparkling water 同distilled water。
125 瀏覽
0 讚好
0 留言
好快就已經有麵包食，有3、4款，味道都唔錯！
86 瀏覽
0 讚好
0 留言
最特別係呢個鋪滿芝士嘅脆片，好邪惡㗎！
63 瀏覽
0 讚好
0 留言
Sharngro-La Juice / Island Supreme
因為我哋唔飲酒，而呢喥cocktail 亦唔多選擇，我哋揀曬兩杯以生果為主嘅。
紅色係西瓜同basil，味道一般，唔太特別。黃色係菠蘿、芒果、檸檬同熱情果，味道較酸，不過我鍾意！
30 瀏覽
0 讚好
0 留言
藍蟹肉餅配香草蛋黃醬
選用含高維生素B12嘅藍蟹肉，加上羅勒同麵包糠酥炸做成蟹肉餅 。炸到外表香脆嘅蟹肉餅看似好邪惡, 但實質沒有想像中咁熱氣。 外脆內軟嘅口感，加埋用青檸帶出蟹肉嘅鮮香，係泰國菜嘅味道呀！雖然外表較深色好似炸過左火，但佢係我暫時食過最好味既蟹餅！
43 瀏覽
0 讚好
0 留言
50 瀏覽
0 讚好
0 留言
香煎鴨肝配白露筍
露筍Asparagus，一個來自希臘語嘅名，解作嫩芽，原產喺南歐地中海中部，品種共有20多種，最常見嘅係青露筍，而White Asparagus白露筍則係最矜貴嘅，有「皇子蔬菜」之稱。
每年四月至六月係蘆筍當造嘅季節，咁點解白蘆筍比綠蘆筍珍貴呢？主要係白露筍需要特別照顧！因為喺種植期間要防止莖身接觸到陽光而產生葉綠素變成綠色，同時為咗保持潔白嘅顏色亦要喺蘆荀接觸陽光前採摘，先可以種到白蘆筍。所以白露筍嘅產量、價格等，自然比一般青露筍矜貴得多。加上蘆筍生長過程繁複，必須經過大約三年嘅悉心種植才長出幼芽，而且佢絕對係健康食品，含有豐富維他命C、鈣及鏻，營養價值甚高，更具利尿功效。
有煮過露筍嘅朋友都知不論係青露筍定白露筍，外層都一樣有一層粗硬嘅纖維包住，唔識處理嘅話煮完之後會係苦澀有渣。我自己都有一次煮白露筍嘅經驗，同處理青露筍一樣，用刨從頭以下約2吋地方起開始向尾部刨，但一定要刨得夠狠，大約將露筍表面3層都刨去，刨好嘅露筍手感會較幼滑。
白蘆筍味道甘香清甜，口感幼嫩細緻，配上乾煎嘅鴨肝，油脂香濃，口感綿密 ，加少少紅苺果醬一齊食，清香又解膩。兩樣嘢放埋一齊出奇地夾！
51 瀏覽
0 讚好
0 留言
43 瀏覽
0 讚好
0 留言
橙紅色嘅龍蝦湯， 味道濃郁入口軟滑，加入白蘭地，除咗去除龍蝦嘅腥味，仲帶出咗龍蝦嘅鮮味，仲有兩粒彈牙嘅龍蝦肉㖭！
45 瀏覽
0 讚好
0 留言
3選1，有魚蝦帶子、牛+龍蝦、原隻龍蝦(要另外加150蚊，但我覺得物超所值！)
原隻波士頓龍蝦
煮法由你自己揀，有燒烤、水煮、特濃芝士同傳統燒焗。
37 瀏覽
2 讚好
0 留言
33 瀏覽
2 讚好
0 留言
39 瀏覽
0 讚好
0 留言
38 瀏覽
0 讚好
0 留言
25 瀏覽
0 讚好
0 留言
烤波士頓龍蝦配美國黑安格斯牛柳
龍蝦雖然燒烤過，但肉質唔會乾晒，仍然保持到果種爽彈！簡單做法可以食到龍蝦原有嘅鮮甜~！
而黑安格斯牛柳肉質係全隻牛最淋嫩嘅地方，幼滑鬆軟，又唔肥，牛味又濃，稱得上係牛的最佳部位。因為我近年跟得bf多，都食少少牛(主要係唔見血就ok)，多數食邊位（因為熟d)，焦香十足！
配菜同樣都係簡單燒過嘅蔬菜，有效清走油膩感。
30 瀏覽
1 讚好
0 留言
甜品-暖心朱古力蛋糕配胡桃雪糕
朱古力蛋糕甜度適中，胡桃雪糕味道亦好特別！唔錯！
69 瀏覽
0 讚好
0 留言
最後，仲有朱古力同馬卡龍！
25 瀏覽
1 讚好
0 留言
張貼
