Waffills (已結業)

星期六，4點幾經過Waffills居然沒有人，當然入去試試啦^.^我和b仔爸爸一人叫一個，我就叫咗個咸嘅"泰式蝦"，b仔爸爸就叫咗個甜嘅配蕉糖雪糕^.^佢地落完單就即整，所以大約要等10分鐘左右。個泰式蝦waffle包裝得好靚，攞著都唔會覺得好熱。我一咬，真係有d泰式香葉，重有薯仔粒，d蝦都算多，成份餅有5隻左右，d蝦都爽口，但佢無汁而且唔辣，成個餅唔太夠味同有d乾，所以有d失望=_="但b仔爸爸個甜waffle就唔同啦，個waffle好好味，好脆，個蕉糖雪糕好好味，我食到唔停口呀，食完係唔覺得膩同飽。下次我會再食，但一定係食甜嘅，重要食佢嘅雪糕👍