榮式燒雞扒 (已結業)

聽講呢度最出名既係榮式雞扒同埋鱆魚蓮藕餅，所以好順理成章地叫左呢度既雞藕天成飯，個名好鬼正！6點前仲會跟埋餐飲！之後再加左個板燒茄子雞藕天成飯($48) 有一件榮式雞扒，都算好大件，一隻手咁大，似係加左醬汁燒既，好入味，個面有d黑椒，個底有少少地方燶燶的但又唔會苦，好香好好味，肉質好滑；兩件鱆魚蓮藕餅，好野味，唔會硬有少少咬口，煎得香，味道上有少少過咸，配飯剛剛好！所以我覺得就算飯個醬油唔太有味都可以，側邊仲放左少少菜、蔥油、榨菜(定係菜圃呢?) ，整體上係好味既！板燒茄子($24) 個皮有d燶，個醬汁好濃，好香好味，見到燒得好細心，有靚靚grill 印，不過餐牌個圖好似上面有木魚乾，但黎到係冇既，都係幾好味既！餐飲奶茶就okay 啦，唔夠滑！