心。泰 (已結業)

平安夜佳節, 選擇左同爸爸媽媽行街街, 享受天倫之樂. 新城市廣場裡面到處都係人, 迫下迫下, 行左無幾耐爸媽已經想歇歇, 就選擇左去tea一tea. 香葉坊o係平安夜都仍然供應茶餐, 而且唔駛等位, 爸媽又鍾意食東南亞食品, 就揀左佢.要左三個茶餐--1) 豬沙嗲-- 頗淡口, 不過一客三串連餐飲只係$18, 抵食.2) 豬頸肉薄餅-- 原來爸爸係想叫咖多士, 嗌錯左添, 不過佢地話都唔錯播, 薄餅都唔係好油.3) 甜品拼盤-- 有香芒小脆盒(香脆, 芒果吉士好香甜, 四款中no. 1), 玫瑰雪糕(有冰粒, 玫瑰味唔夠濃), 香蕉布甸(忌廉唔夠, 味道亦較同集團o既rice paper淡), 香芒黑糯米(唔甜o既? 我就唔鍾意, 反而媽咪覺得幾好). 成碟都幾淡口, 我覺得麻麻地. 餐茶要左咖啡同玫瑰茶. 咖啡okay, 至於玫瑰茶, 本身期望會好似rice paper咁有成個茶壺上, 但係原來係用杯上. 茶呈紅色, 原來係加左有色糖漿, 玫瑰味好淡, 唔係好得.總括而言, 有d餐係幾抵食, 不過味道就麻麻, 未必會翻炒.