影片
更多
2019-07-09
61 瀏覽
對比起日本嘅築地，香港嘅就當然無咁大無咁多餐廳，而且都比較貴價，但對比起出面嘅日本餐廳，呢到選用嘅食材又真係好好多，而且師傅廚藝精湛，菜色食得又睇得，配埋個海景，都可算係一種享受呀~見到餐廳放滿咗好多枝唔同嘅日本酒，師傅話佢哋提供嘅都係出面比較少有嘅酒，好多人特登黎試。價錢都係百幾蚊，就一於試一試。不過我哋對清酒唔太認識，師傳就推介紹咗呢款大吟釀比我哋，飲落好滑好易入口，又唔會好刺激喉嚨有酒飲就當然要叫d佐酒小食啦！去過日本居酒屋就會知道日本人有好多出色嘅佐酒小食，凍嘅熱嘅燒嘅煮嘅都有，真係花多眼亂，都係交比師傅介紹啦！鮟鱇魚肝（$68）好多人對內臟都好抗拒，但日本人嘅佐酒小食就好常用到，而且做得好出色呢個魚肝食落一d腥味都無，仲好香口，食落冰冰涼涼，個汁微微酸又帶少少咸，好開胃！七味魔鬼魚翅乾（$78）呢個魚翅都幾惹味嘅，味道算係大眾化，比起個魚肝就比較無咁特別。日本居酒屋必備嘅串燒！！一藏串燒盛合（$168）有雞翼、牛舌、免治雞肉棒、甜薯、冬菇同青椒串燒本身都好夠味，旁邊有個醬油蛋汁可沾，沾完表面滑溜溜又有另一種口感！德島縣香魚（$68）本身麻麻地燒魚，不過師傅推薦都試下啦！呢隻魚
見到餐廳放滿咗好多枝唔同嘅日本酒，師傅話佢哋提供嘅都係出面比較少有嘅酒，好多人特登黎試。價錢都係百幾蚊，就一於試一試。不過我哋對清酒唔太認識，師傳就推介紹咗呢款大吟釀比我哋，飲落好滑好易入口，又唔會好刺激喉嚨
有酒飲就當然要叫d佐酒小食啦！去過日本居酒屋就會知道日本人有好多出色嘅佐酒小食，凍嘅熱嘅燒嘅煮嘅都有，真係花多眼亂，都係交比師傅介紹啦！
鮟鱇魚肝（$68）
好多人對內臟都好抗拒，但日本人嘅佐酒小食就好常用到，而且做得好出色呢個魚肝食落一d腥味都無，仲好香口，食落冰冰涼涼，個汁微微酸又帶少少咸，好開胃！
七味魔鬼魚翅乾（$78）
呢個魚翅都幾惹味嘅，味道算係大眾化，比起個魚肝就比較無咁特別。
日本居酒屋必備嘅串燒！！
一藏串燒盛合（$168）
有雞翼、牛舌、免治雞肉棒、甜薯、冬菇同青椒串燒本身都好夠味，旁邊有個醬油蛋汁可沾，沾完表面滑溜溜又有另一種口感！
德島縣香魚（$68）
本身麻麻地燒魚，不過師傅推薦都試下啦！呢隻魚細細條，肉質結實，燒得香口，味道的確唔錯！但真係太多骨，雖然都係細骨，吞咗都無咩嘅，但都係有d怕怕。中意食魚唔怕骨嘅可以一試嘅～
海鮮濃湯稻庭烏冬（$138）
食咗咁多小食，再黎個湯底濃郁、麵條彈牙、材料豐富嘅麵作總結
又有靚景，又有好環境，又有美酒佳餚，呢個價錢其實值得呀～
張貼
