The Pizza Pig

營業中

休息中

以豬為主嘅西餐廳，每枱必點500g烤斧頭豬扒(我無點lol)，Pizza都係招牌～環境餐牌是日星期五晚來光顧，餐牌只有單點並無set。 Signature Piggie $198(M) Signature Piggie材料有招牌手撕豬手、意大利香草肉腸、辣肉腸、火腿、烤燈籠椒、紅洋蒽及水牛芝士。以蕃茄醬做base，表面仲放上零食款嘅炸豬皮，餅底烘到好脆，厚度適中，手撕豬手比較零散，如果肉嘅份量可以舖滿Pizza面就勁滿足(⁎⁍̴̛ᴗ⁍̴̛⁎) 煎海爐魚柳海鮮燴 $198(half) 本身都想叫招牌烤500g烤斧頭豬扒，但我哋都唔係好肚餓，怕食唔哂，於是叫咗個清淡啲嘅爐魚伴鮮蝦、蜆、辣肉腸和麵包粒，伴碟較特別，比較少見，最底會有煮海魚嘅湯，蜆有5,6隻，清甜無沙，蝦亦彈牙，主角爐魚就算浸住都唔會令魚肉變過稔，無骨，肉質嫩滑，海鮮湯更有提鮮作用。 Kitkat Macha $78 本身以為Kitkat Macha係mix and match ，shakes底都係用Macha為主，但加咗Kitkat作點綴。