龍門冰室 (已結業)

四點鐘又未食晏晝、條街都有幾多選擇，呢間感覺外貌新潮啲，入去試吓，基本一個下午茶餐＄30，可以有不同配搭，我就揀咗滷水雞髀加朱古力紅豆西多士，港式奶茶，隻滷水雞髀都幾好味，滷水入味，雞髀嫩滑又夠大隻，至於個朱古力紅豆西多士就一般，西多士入邊用紅豆蓉、外面再配上朱古力醬，首先紅豆蓉配西多士已經有啲鬼鬼地、再加個極少及不突出的朱古力醬，呢個應該啱一啲唔鍾意食好甜胃口嘅人，不過叫得西多士當然唔怕佢甜，所以呢個我就麻麻哋啦。奶茶OK。