拉麵來 (已搬遷) 新店位置

前日，同朋友去旺角行街，朋友話想食拉麵，所以上openrice睇下，見到黑布街有間拉麵來好似都唔錯，之後再去舖頭門口睇下啱唔啱食，入坐後睇到menu好多樣嘢都想食，最後揀左黑蒜油豚骨拉麵。我自己都幾鍾意食黑蒜油味的食物，最主要令我愛上的係出前丁丁，所以有好多時有得揀，我都會想食黑蒜油拉麵，拉麵來可以滿足到我的需求，而且拉麵來係可以比客人揀麵身軟硬度，甚至蔥自多少等都係有得比客人揀，可以比我地食到一碗自己鍾意的拉麵。我覺得佢的豚骨湯底都ok，係黑蒜油味未算好突出，叉燒我就覺得都ok，屬於正常，味道ok，面有少少乾身和脆脆地，浸左係湯入面就令成件事perfect池啦。