影片
更多
2023-05-07
356 瀏覽
餐廳面積非常大，有室外及室內兩邊，室外種植咗好多花花草草，環境佈置得幾有心思，好啱打卡！室內一樣好闊落，坐得幾舒服。😊酥皮龍蝦湯配蒜蓉包 $98龍蝦湯幾滑，入面有蝦肉，不過龍蝦味道唔算濃郁，另外蒜蓉多士味道唔錯。😋小食拼盤 $298呢個小食拼盤係4人份量，入面有薯條、炸魷魚圈、檸檬蜜糖單骨雞翼及炸蠔春卷。炸魷魚圈好彈牙，炸蠔春卷第一次食，蠔味幾濃，味道幾特別。香燒BBQ汁燒肋骨 $298一上枱比呢份燒肋骨震懾咗，份量大得非常驚人。而BBQ汁甜甜地，帶點微辣，配上啖啖肉嘅豬肋骨幾惹味，鋪底仲有薯蓉，食肉獸見到呢道菜會好開心。😆😆芝士焗大蝦配香草蕃茄醬意粉 $228大蝦上鋪咗滿滿芝士醬汁，蝦肉幾紮實，味道唔錯，而意粉嘅蕃茄醬甜甜酸酸，有啲似日式拿破崙意粉嘅味道，幾開胃。😉黃金樹下 $58水晶咖啡 ＆棉花糖特濃朱古力 ($52 each)飲品賣相幾精緻，黃金樹下係芒果菠蘿沙冰，芒果味比較突出，整體沙冰冰粒唔太平均，影響咗口感。水晶咖啡幾香濃，入面加咗咖啡凍好有口感，而特濃朱古力上面有粒特大棉花糖，食完餐點叫呢杯飲品作結又幾滿足喎。😌整體餐廳環境好靚好舒服，而且仲好pet friendly！可
酥皮龍蝦湯配蒜蓉包 $98
龍蝦湯幾滑，入面有蝦肉，不過龍蝦味道唔算濃郁，另外蒜蓉多士味道唔錯。😋
小食拼盤 $298
呢個小食拼盤係4人份量，入面有薯條、炸魷魚圈、檸檬蜜糖單骨雞翼及炸蠔春卷。炸魷魚圈好彈牙，炸蠔春卷第一次食，蠔味幾濃，味道幾特別。
香燒BBQ汁燒肋骨 $298
一上枱比呢份燒肋骨震懾咗，份量大得非常驚人。而BBQ汁甜甜地，帶點微辣，配上啖啖肉嘅豬肋骨幾惹味，鋪底仲有薯蓉，食肉獸見到呢道菜會好開心。😆😆
芝士焗大蝦配香草蕃茄醬意粉 $228
大蝦上鋪咗滿滿芝士醬汁，蝦肉幾紮實，味道唔錯，而意粉嘅蕃茄醬甜甜酸酸，有啲似日式拿破崙意粉嘅味道，幾開胃。😉
黃金樹下 $58
水晶咖啡 ＆棉花糖特濃朱古力 ($52 each)
飲品賣相幾精緻，黃金樹下係芒果菠蘿沙冰，芒果味比較突出，整體沙冰冰粒唔太平均，影響咗口感。水晶咖啡幾香濃，入面加咗咖啡凍好有口感，而特濃朱古力上面有粒特大棉花糖，食完餐點叫呢杯飲品作結又幾滿足喎。😌
整體餐廳環境好靚好舒服，而且仲好pet friendly！可以帶埋主子嚟一齊嘆下添呀！😊😊
張貼
